క్రమేణా....దీర్ఘకాలంలో బరువు తగ్గితే?

Wellness

oi-Nageswara

By B N Sharma

Published: Monday, May 21, 2012, 8:53 [IST]

బరువు తగ్గాలంటే డైటింగ్ అనేది ఎప్పటినుండో వస్తున్న విషయమే. కాని నేటి రోజులలో చాలామంది మితిమీరిన డైటింగ్ చేసి అతి త్వరగా బరువు కోల్పోతున్నారు. మీరు కనుక బరువు వేగంగా తగ్గిపోవాలనుకుంటే మీ మైండ్ లో ఒకే ప్రశ్న వుంటుంది. ఏది త్వరగా ఫలితాలనిస్తుంది? అనేది. మనలో చాలామంది త్వరగా బరువు తగ్గాలనుకుంటారు. ఆ బరువును వేగంగా తగ్గించుకొని బాగా కనపడాలని మరియు అతిత్వరలో రాబోయే ఒక పెద్ద ఫంక్షన్ లో ఆకర్షణీయంగా కనపడాలని భావిస్తారు. లేదా మీరు మెచ్చిన డెనిమ్ పేంటుకి మీ శరీరం త్వరగా సరిపోవాలని భావిస్తారు.

ఈ రకంగా వేగంగా బరువుతగ్గి సన్నపడి అందరి ప్రశంసలు పొందాలనుకుంటారు. ఇవన్ని నిజాలే అయితే, మనం ఖచ్చితంగా ఒక మంచి డైట్ ప్రణాళికను ఆచరించవచ్చు. నేటి బరువు తగ్గే ప్రపంచంలో ఏ పద్ధతి లేదా ఉత్పత్తి లేదా ఏ డైట్ ప్రణాళిక వేగంగా పనిచేస్తుందో కనిపెట్టటం కష్టం.
అన్నింటిలోకి సాధారణంగా అందరూ ఆచరించేది మితిమీరిన డైటింగ్.

ఈ మితిమీరిన డైటింగ్ ప్రణాళికలో గ్రేప్ ఫ్రూట్ డైట్ లేదా కేబేజి సూప్ వంటి ఆహారాలు మాత్రమే తీసుకోవాలని వుంటుంది. బరువు వేగంగా తక్కువసమయంలో తగ్గాలంటే, ఈ ప్లానులు పనిచేస్తాయి. కాని అవి దీర్ఘకాలంలో మీ శరీరానికి మంచివి కావు. అధిక బరువు, అతి త్వరగా తగ్గితే అది శరీర ఆరోగ్యానికి హాని కలిగించి మీ అంతర్గత అవయవాలపై ఒత్తిడి కలిగిస్తుంది. ఆ తర్వాత అంతే త్వరగా కూడా మీరు బరువు మరోసారి పెరిగిపోతారు. దీనికి కారణం, మీరు మీ మితిమీరిన డైటింగ్ చేసిన తర్వాత మీ పాత తిండి అలవాట్లకు మారిపోతారు. అవి మరోసారి మీకు బరువు తెప్పిస్తాయి.

కనుక బరువు దీర్ఘకాలంలో మెల్లగా తగ్గటం ఆరోగ్యానికి మంచిది. మీ బరువు తగ్గే ప్రణాళిక ఆ దిశగా కొనసాగాలి. మితిమీరిన ఆహారాలతో కొన్ని నష్టాలు కూడా వున్నాయి. అవి తీవ్రమైన ఆరోగ్య సమస్యలు తెస్తాయి. తలనొప్పి, డయోరియా, కళ్ళు తిరగటం వంటివి ఏర్పడతాయి. కేలరీలు అకస్మాత్తుగా తగ్గటం వలన ఈ పరిస్ధితి ఏర్పడుతుంది. మీ శరీరం దీనిని ఆమోదించలేదు. అందుకనే వేగంగా బరువు తగ్గే ఆహార ప్రణాళికలకంటే రోజుకు కొద్దిగా చొప్పున క్రమేణా మీ కేలరీలు తగ్గించండి. ఏ ఆహార ప్రణాళిక చేపట్టినా సరైన వైద్య నిపుణులను ముందుగా సంప్రదించండి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.