గబ్బర్ సింగ్ లా నిర్భయంగా..... నవ్వేయండి?

Wellness

oi-Nageswara

By B N Sharma

Published: Saturday, June 2, 2012, 10:15 [IST]

అనేక ఆరోగ్య సమస్యలకు నవ్వు మంచి ఔషధంగా పనిచేస్తుంది. మానసిక సమస్యలకు సైతం మీరు నవ్వే నవ్వులు మరోమారు మిమ్మల్ని మామూలు మనుషులుగా చేస్తాయి. హాయిగా నవ్వేస్తే....అది మీలోని ఒత్తిడి, బాధ తొలగిస్తుంది. అంతేకాదు చక్కని ఎనర్జీ ఇస్తుంది. సంతోషాన్ని పెంచి తోటివారితో అనుబంధం ఏర్పరుస్తుంది. నవ్వు కొన్నిసార్లు అనేక అంశాలను పరిష్కరిస్తుంది. ఒక్కమాటలో చెప్పాలంటే మనకు ఆరోగ్యకర జీవితాన్నిస్తుంది. మీరు పార్కుల వంటి ప్రదేశాలలో అందరూ కలసి నవ్వటం చూస్తూనే వుంటారు. ఎందుకలా నవ్వుతారు అని మీరు భావిస్తారు? అవి లాఫింగ్ క్లబ్ లుగా తెలుసుకోండి. ఆరుబయట తాజా గాలిలో హాయిగా అందరూ కలసి నవ్వేస్తూ వుంటారు. అది వారిలో సంతోషం పెంచుతుంది. ఒకరంటే మరి ఒకరికి అనుబంధం పెంచుతుంది. మరి నవ్వును గురించిన కొన్ని ప్రయోజనాలు తెలుసుకుందాం. నవ్వు మంచి ఔషధమా? కాదా? అనేది పరిశీలిద్దాం.

నవ్వు ఇచ్చే ఆరోగ్య ప్రయోజనాలు
ఆరోగ్య వ్యవస్ధను మెరుగుపరుస్తుంది - వైద్యులు, ఆరోగ్య నిపుణులు నవ్వు మన ఆరోగ్య వ్యవస్ధను మెరుగుపరుస్తుందంటారు. శరీరంలో ఒత్తిడి కలిగించే హార్మోన్ల ఉత్పత్తిని తగ్గిస్తుంది. కొద్ది నిమిషాలు నవ్వితే చాలు శరీరం రిలాక్స్ అయి, పాజిటివ్ భావాలనిస్తుంది. ఇదంతా మన రోగ నిరోధక వ్యవస్ధనుండి వస్తుంది. పాజిటివ్ భావనలు ఒత్తిడిని తగ్గించి మైండ్ తాజాగా వుండేలా చేస్తాయి. రోజంతా చురుకుగా వుంటారు.

రక్తనాళాలు బాగా పనిచేస్తాయి.
మనలోని రక్తనాళాల లోపలి భాగాలు వ్యాకోచిస్తాయి. దానితో రక్తప్రసరణ మెరుగవుతుంది. మన గుండెకు రక్తనాళాలకు ఆరోగ్యం చేకూరుతుంది. రోజుకు 10 నుండి 15 నిమిషాలు నవ్వితేచాలు గుండె సంబంధిత రోగాలు వచ్చే అవకాశం తక్కువగా వుంటుంది.

శరీరానికి ఆక్సిజన్
మనం నవ్వినపుడు ఆక్సిజన్ అధికంగా తీసుకుంటాం. ఎక్కువసార్లు నవ్వితే ఎక్కువ ఆక్సిజన్ లోపలికిపోతుంది. నోరు, గొంతు,పొట్ట భాగాలలోని బాక్టీరియా, ఇతర క్రిములు నశిస్తాయి. ఆక్సిజన్ లో అవి బతకలేవు. కేన్సర్ వ్యాధి నక్రిములు ఆక్సిజన్ లో జీవించలేవు.

నవ్వు మంచి రసాయనాలు ఇస్తుంది
నవ్వితే, ఆరోగ్యకరమైన జీవ రసాయనాలు అంటే సెరోటోనిన్, ఇంటర్ లూకిన్ వంటివి ఉత్పత్తి అవుతాయి. ఇవి వెలకడితే వేల రూపాయల ఖరీదు వుంటుంది. ఈ జీవ రసాయనాలు, అనేక మొండి వ్యాధుల నివారణలో ఉపయోగిస్తారు.

మానసిక ప్రభావం
మంచి సంబంధాలు కలిగివుండాలంటే, నవ్వు మంచిదని అందరి అభిప్రాయంగా వుంటుంది. అది ప్రేమ, బంధం, స్నేహం వంటివాటికి సంకేతం. అది జోక్ లు వేస్తూ నవ్వించేవారినందరిని ఒక మంచి పాజిటివ్ వాతావరణంలోకి చేరుస్తుంది.

మరి ఇటువంటి నవ్వు ఎలా పొందాలి?
నేడు ఆధునికంగా వచ్చే టీ.వీలలోని కామెడి షోలు,సినిమాలు చూసి నవ్వండి. ఒకరితో మరి ఒకరు ఆరోగ్యకరమైన జోకులు వేసుకుని నవ్వండి. నవ్వు అనేక రోగాలకు నివారణి. అది రోగాలు నయం చేస్తుంది మరోమారు మన శరీరం ఆరోగ్యం సంతరించుకునేలా చేస్తుంది. కనుక మీరు ఎపుడు నవ్వాలనుకున్నా, నిస్సంకోచంగా, తనివితీరా, గుండె అలిసేలా నవ్వండి, ఆరోగ్యంగా వుండండి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.