పురుషుడికి వయసుతో వచ్చే వ్యాధులు!

పురుషుడికి 20 నుండి 30 సంవత్సరాలకు - ఈ వయసులో అతను చాలా వరకు ఆల్కహాల్, స్మాకింగ్, డ్రగ్స్, సంతాన లేమి సమస్య, సుఖ వ్యాధులు, మరికొన్ని మానసిక వైకల్యాలకు గురవుతాడు.

ఇక 50 ఏళ్ళ వయసు వారికైతే, వారి ఆరోగ్యం చాలావరకు క్షీణిస్తుంది. అనేక రకాల మందులు వాడుతూనే వుంటారు. వచ్చే వ్యాధులు సర్వ సాధారణమని, ఆహారాలు కలుషితమని లేదా తమకు వంశ పారంపర్యంగా వస్తున్నాయని భావిస్తూంటారు.

మీరు 50 సంవత్సరాల వయసులో కూడా ఆరోగ్యంగా వుండాలనుకుంటే, మీ 20 లేదా 30 సంవత్సరాల వయసునుండే ఆరోగ్యం పట్ల జాగ్రత్త వహించాలి. ఆల్కహాల్ తాగటం మానండి. పొగ తాగటం మానండి. మీ బరువు ఎత్తుకు తగినట్లు సరిగా వుందా? లేదా అనేది పరిశీలించుకోండి. అవసరమనుకుంటే బరువు తగ్గండి అంటారు మెల్ బోర్న్ లోని ఆల్ ఫ్రెడ్ హాస్పిటల్ లోని డైరెక్టర్ ఆఫ్ ఎండోక్రినాలజీ మరియు డయాబెటీస్ ప్రొఫెసర్ డంకన్ టాప్ లిస్.

గుండె జబ్బుల చరిత్ర కుటుంబంలో కల పురుషులు లేదా అధిక రక్తపోటు వున్న వారు కనీసం సంవత్సరానికొకసారైనా వైద్యులను సంప్రదించాలి. గుండె జబ్బులు వచ్చే సూచనలు వుంటే వారు ఇసిజి లేదా ట్రెడ్ మిల్ వంటి టెస్టులు చేసి ముందస్తుగానే వాటిని కనిపెట్టి తగిన వైద్యం చేసే అవకాశం వుంటుంది. గుండె జబ్బులు అనేవి ఒకే సారి అన్ని వేళలా వచ్చి మరణింపజేయవు. చాలామందికి ముందుగా వాటి సూచనలు వుంటాయి. తగిన వైద్య పరిష్కారం కూడా లభిస్తుంది. కనుక పురుషులు తమ 40 సంవత్సరాల వయసుపైన పడితే, తప్పక గుండె సంబంధిత వైద్యులను సంప్రదించాలి.

పురుషుడికి నలభై సంవత్సరాలవయసునుండి గుండె జబ్బులు, డయాబెటీస్ వ్యాధులే కాక, లైంగిక జీవిత సమస్యలుకూడా వస్తాయి. మూత్రాశయం నుండి మూత్రం సరిగా రాకపోవటం, లేదా తాను మహిళతో సంభోగించినపుడు స్కలన సమయంలో మంటపెట్టటం, అంగం ఎరుపెక్కటం, సమర్ధవంతంగా రతినిర్వహించలేకపోవడం వంటివి లైంగిక వ్యాధుల కారణంగా కూడా ఏర్పడవచ్చు.

పురుషుడికి ఈ దశలో తన వృషణాలు బాగా గట్టిపడ్డా లేదా పూర్తిగా మెత్తబడిపోయినా, తక్షణమే అతను అల్ట్రాసౌండ్ పరీక్ష చేయించుకోవాలి. టెస్టికిల్స్ సైజు ఫలదీకరణ సమస్యలను సూచిస్తుంది. వాటిని పరీక్షలు చేయాల్సిన అవసరం వుంటుందంటున్నారు ఆల్ ఫ్రెడ్ హాస్పిటల్ లోని ప్రొఫెసర్ పీటర్, డైరెక్టర్ ఆఫ్ యూరాలజీ. పురుషుడికి టీన్స్ చివరి దశనుండి సుమారు 20 సంవత్సరాలవరకు అనేక మానసిక ఆరోగ్య సమస్యలుంటాయి. పురుషులలో మూడు వంతులమంది షుమారుగా మొదటి సారి తమ 25 , 26 సంవత్సరాల వయసులో స్కిజోఫ్రేనియా వ్యాధికి గురవుతారు.

వీరిలో ఆందోళన, డిప్రెషన్ వంటివి తరచుగా వస్తూంటాయి. వారు ఆ సమయంలో ఒకవైపు తమ కెరీర్ బాగోగులు చూసుకోవాలి మరో పక్క తల్లితండ్రులు మరో పక్క ఇతర సంబంధాలు నిర్వహించవలసి వుంటుంది. ఆ సమయంలో వీరికి మానసిక సంబంధమైన సమస్యలు అధికంగా కలుగుతాయి. ఆ వయసులో వీరు ఎవరితోనూ మనసువిప్పి చెప్పుకోలేరు. తమ తోటి వారిని చూసి మరింత గిల్టీగా వీరు భావించే అవకాశాలుంటాయి.

ఇక పురుషుడికి 40 నుండి 50 సంవత్సరాల వయసులోకి వచ్చేసరికి, గుండె వ్యాధులు, డయాబెటీస్, డిప్రెషన్ కలోన్ కేన్సర్, మూత్రాశయ, కిడ్నీ సంబంధిత వ్యాధులు పూర్తిగా వచ్చేస్తాయి.

అతనికి రక్తపోటు వుంటే, కొల్లెస్టరాల్ లేదా అధిక బరువు సమస్య కూడా వుంటుంది. ఊబకాయం కలుగుతుంది, ఊబకాయంతోపాటు డయాబెటీస్ వచ్చేస్తుంది.

ఏభై సంవత్సరాలు పైబడితే పురుషులలో వచ్చే ప్రొస్టేట్ కేన్సర్ లేదా కలోన్ కేన్సర్ వస్తాయి. ప్రొస్టేట్ కేన్సర్ లో అతనికి మూత్రం పోయటంలో కష్టంగా వుంటుంది. కలోన్ కేన్సర్ లో గుద భాగం నుండి రక్తం రావటం, మలం సరిగా విసర్జించలేకపోవటం వుంటుంది.

పేగు పరీక్షలు 50, 55, 65 సంవత్సరాల వయసులలో ప్రతి రెండు సంవత్సరాలకు చేయించాలి. 50 సంవత్సరాల పై బడ్డ పురుషులు ప్రొస్టేట్ పరీక్షలకై డాక్టర్ ను సంప్రదించాలి.

ఈ వయసులో బ్లాడర్ కేన్సర్, కిడ్నీ కేన్సర్ వస్తాయి. ముఖ్యంగా పొగ తాగే వారికి వస్తాయి. వీటి లక్షణాలు బ్లడ్ లేదా మూత్రంలో కనపడతాయి. ఇవే కాక, గుండె పోటు వంటివి కూడా వెన్నంటి వుంటాయి.

ఈ వయసులో మీకు కనుక ఛాతీ నొప్పి వస్తే, తక్షణమే డాక్టర్ ను సంప్రదించాలి. ఛాతీ నొప్పి, శ్వాస సంబంధిత సమస్యలు గుండె పోటుకు సూచనలుగా వుంటాయని ప్రొఫెసర్ టోనీ డార్ట్ చెపుతారు.

చర్మ కేన్సర్ కూడా వచ్చే అవకాశాలు 50 సంవత్సరాల వయసులో పురుషుడికి వుంటాయి. ప్రతి మూడు నెలలకు ఏవైనా మార్పుల కొరకు పరీక్షింపచేసుకోవాలి.

60 సంవత్సరాల పైబడిన పురుషులకు గుండె జబ్బులు, పక్షవాతం, డయాబెటీస్, పేగు కేన్సర్, చర్మ కేన్సర్, ప్రొస్టేట్ కేన్సర్ వంటివి వస్తాయి.

55 సంవత్సరాలు దాటితో ప్రతివారూ డయాబెటీస్ పరీక్షలు చేయించుకోవాలి. డయాబెటీస్ లక్షణాలు అలసట, అధిక దాహం అధిక మూత్రం రావటం, చర్మ వ్యాధులుగా వుంటాయి.

పురుషులకు సాధారణంగా ప్రొస్టేట్ కేన్సర్, పేగు కేన్సర్ , చర్మ కేన్సర్ ప్రధాన ఆరోగ్య సమస్యలు. ఈ దశలో రెగ్యులర్ పరీక్షలు, ఆరోగ్య నియంత్రణ అవసరం. అనారోగ్యపుటలవాట్లు వుంటే ఈ సమస్యలు మరింత పెరిగే ప్రమాదం వుంటుంది.

ఈ అనారోగ్య సమస్యలన్ని ఆరోగ్యకర ఆహారం, రెగ్యులర్ వ్యాయామాలు చేయటం ద్వారా నివారించుకోవచ్చని కూడా ప్రొఫెసర్ డార్ట్ తెలుపుతున్నారు.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.