Weakened Immunity: ఈ అలవాట్ల వల్ల శరీరం పోరాడే శక్తిని కోల్పోతుంది

1. కలుషిత ప్రాంతాలు

చుట్టూ ఉండే గాలి రోగనిరోధక వ్యవస్థపై ప్రభావం చూపిస్తుంది. కలుషితమైన గాలిని టి-కణాలను అణిచివేస్తుందని అనేక అధ్యయనాలు ఇప్పటికే నిరూపించాయి. రోగనిరోధక వ్యవస్థను బలోపేతంగా ఉంచడానికి టి-కణాలు చాలా ముఖ్యం. కాబట్టి కలుషిత ప్రాంతాల్లో నివసించే వారు ఇంట్లో ఎయిర్ ప్యూరిఫైయర్లను ఉపయోగించడం ఉత్తమం. అలాగే ఇంటి నుండి బయటకు వెళ్లే సమయంలో తప్పనిసరిగా మాస్క్‌లు ధరించాలి.

2. జంతు ప్రోటీన్లను కట్టడి చేయాలి

మనకు తినే ఆహారం నుండి ప్రోటీన్లు అందుతాయి. శాకాహారం, మాంసాహారం నుండి పోషకాలు వస్తాయి. ప్రోటీన్లు 1GF1 హార్మోన్‌ను ఎక్కువగా ఉత్పత్తి చేస్తుంది. ఈ హార్మోన్ యాంటీ ఏజింగ్ లక్షణాలను కలిగి ఉంటుంది. అలాగే రోగనిరోధక వ్యవస్థను కూడా ప్రభావితం చేస్తుంది. కాబట్టి రోజువారీ కేలరీల్లో 10 శాతం కంటే ఎక్కువ జంతు మూలాల నుండి రాకూడదని గుర్తుంచుకోండి. అంటే మాంసం, లేదా పాల ఉత్పత్తులను తక్కువగా తీసుకోవడం మంచిది.

3. ఒంటరితనంతో అనర్థాలు

ఒంటరితనాన్ని ఎదుర్కొనే వ్యక్తులు ఒత్తిడిని ఎదుర్కొంటారు. రోజులో ఎక్కువ సమయం ఒంటరిగా గడిపే వారికి రోగనిరోధక శక్తి తక్కువగా ఉంటుంది. కాబట్టి స్నేహితులు, ప్రియమైనవారు, పొరుగు వారితో సమయం గడపడం అలవాటు చేసుకోవాలి. ఒంటరిగా నివసించే వ్యక్తులతో పోలిస్తే వారి సంబంధాల్లో సంతోషంగా ఉన్న వ్యక్తులు వ్యాధి బారిన పడే అవకాశం తక్కువ.

4. శ్రమలేని జీవితం

మీది 9 -5 ఉద్యోగమా.. రోజులో ఎక్కువ సమయంలో కూర్చొనే ఉంటారా.. శారీరక శ్రమ తక్కువా.. అయితే ప్రమాదం పొంచి ఉన్నట్లే. ఇలాంటి జీవనశైలి వల్ల జీవక్రియ మందగించడంతో పాటు వెన్ను నొప్పులు, మెడ నొప్పులు సహా ఇతర చాలా రకాల సమస్యలు వస్తాయి. ఎప్పుడూ కూర్చొని చేసే ఉద్యోగం అయితే గంట గంటకు సీటు నుండి పైకి లేచి ఓ 10 నిమిషాల పాటు అటూ ఇటూ నడవడం అలవాటు చేసుకోండి. అలాగే కూర్చీలో కూర్చుని చేసే వ్యాయామాలను అప్పుడప్పుడు చేస్తుండండి. లేకపోతే జీవక్రియ మందగించి అది ఇమ్యూనిటీ పవర్‌ను తగ్గిస్తుంది.