Summer Nosebleed: వేసవికాలంలో ముక్కు నుండి రక్తం కారుతోందా? అయితే ఇలా చేయండి

వేసవికాలంలో చాలా మందికి ముక్కు నుండి రక్తం కారుతుంటుంది. ఇలా ముక్కు నుండి రక్తం కారడం ఏకాలంలో అయినా జరగొచ్చు కానీ ఎండాకాలంలో చాలా మందిలో ఈ సమస్య కనిపిస్తుంది.

అసలు వేసవికాలంలో ముక్కు నుండి ఎందుకు రక్తం కారుతుంది.. దాని వెనక కారణాలు ఏంటి.. ముక్కు నుండి రక్తం కారకుండా ఉండాలంటే ఏం చేయాలో ఇప్పుడు తెలుసుకుందాం.

వేసవికాలంలో ముక్కు నుండి రక్తం ఎందుకు కారుతుంది?

ఎండాకాలంలో ముక్కు నుండి రక్తం కారడానికి ప్రధాన కారణం పర్యావరణంలోని వేడి, పొడి గాలి. వేసవి కాలంలో గాలి పొడిగా ఉండటంతో పాటు వేడిగా ఉంటుంది. దీని వల్ల నాసల్ ప్యాసెజెస్ పొడిగా, చికాకుగా మారతాయి. ఇలా పొడిబారడం వల్ల ముక్కులోని సున్నితమైన పొరలో పగుళ్లు ఏర్పడి, రక్తనాళాలు సులువుగా చీలిపోయి ముక్కు నుండి రక్తం కారడానికి కారణమవుతుంది.

ఎండలో, వేడిలో ఆరు బయట సమయం గడపడం వల్ల డీహైడ్రేషన్ కు గురవుతారు. ఇది నాసల్ ప్యాసెజెస్ ను పొడిబారేలా చేస్తుంది. ముక్కు నుండి రక్తం కారడానికి కారణాలను ప్రేరేపిస్తుంది.

ముక్కు నుండి రక్తం కారడం ఆపడానికి చిట్కాలు:

ముక్కును తేమగా ఉంచాలి:

వేసవికాలంలో ముక్కు నుండి రక్తం కారడాన్ని ఆపడానికి ముక్కును తేమగా ఉంచడం కీలకం. సెలైన్ నాసల్ స్ప్రే లేదా హ్యూమిడిఫైయర్ లను ఉపయోగించి ముక్కును తేమగా ఉంచుకోవాలి. సెలైన్ నాసల్ స్ప్రేలు బయట మార్కెట్లలో దొరుకుతాయి. రోజులో అప్పుడప్పుడు సెలైన్ స్ప్రే ద్వారా ముక్కును తేమగా ఉంచుకోవచ్చు. హ్యూమిడిఫైయర్ కూడా చాలా ఉపయోగకరంగా ఉంటుంది. పొడి గాలి వీస్తున్న సమయంలో వీటిని వాడటం మర్చిపోవద్దు.

హైడ్రేటెడ్ గా ఉండాలి:

డీహైడ్రేషన్ వల్ల ముక్కు పుటాలు పొడిగా మారతాయి. దీని వల్ల ముక్కు నుండి రక్తం కారుతుంది. హైడ్రేటెడ్ గా ఉండటానికి రోజంతా పుష్కలంగా నీరు తాగాలి. నీటితో పాటు పుచ్చకాయ, కీరదోస వంటి పండ్లు తీసుకోవడం వల్ల హైడ్రేటెడ్ గా ఉండొచ్చు. అలాగే ఆల్కహాల్ తీసుకోవడం పరిమితం చేయాలి, కెఫిన్ డ్రింకులు తాగొద్దు. సాల్టీ ఫుడ్స్ కు దూరంగా ఉండాలి.

ముక్కు చికాకు కలిగి వాటికి దూరంగా ఉండాలి:

సిగరెట్ పొగ, కాలుష్యం, శుభ్రపరిచే రసాయనాల వంటివి ముక్కు పుటాలను చికాకు కలిగిస్తాయి. ముక్కు నుండి రక్తం కారడానికి సంభావ్యతను పెంచుతాయి. అలాంటి వాటికి దూరంగా ఉండటం మంచిది. లేదంటే మాస్కు ధరించడం అలవాటు చేసుకోవాలి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.