అందరూ ఇష్టపడే ... అందాల బాల్కనీ!

By B N Sharma

Published: Saturday, November 19, 2011, 11:13 [IST]

నేటి నగర జీవనంలో ప్రతి ఒక్కరు తమ ఉద్యోగాలు, వ్యాపారాలు మొదలైనవి రోజంతా పూర్తి చేసుకొని సాయంత్రమయ్యే సరికి అలసి సొలసి ఇంటికి చేరతారు. ఇంటికి చేరితే....పవర్ కట్, ఫ్యాన్లు తిరగవు, లైట్లు వెలగవు. ఇక ఆపరిస్ధితులలో ఇంటిలోని ఏ ప్రదేశం విశ్రాంతికి అనుకూలం? ప్రతి ఒక్కరూ అమితంగా ప్రేమించే ప్రదేశం.....బాల్కనీ! బాల్కనీలో ప్రతి ఒక్కరికి కొంతమేరకు ప్రయివసీ కూడా దొరుకుతుంది. బాల్కనీని కనుక చక్కగా అలంకరించినట్లయితే, ఇంటిలోని సభ్యులే కాక, ఇంటికి వచ్చిన అతిధులు సైతం అక్కడే కూర్చొని సమయం గడపటానికి ఇష్టపడతారనటంలో ఎట్టి సందేహం లేదు. బాల్కనీ అలంకరణ ఎలా చేయాలంటే....

1. పూలకుండీలు, పచ్చటి మొక్కలు వుంటే బాగుంటుంది. బాల్కనీ మూలలలో పూల మొక్కలు వుంచండి. కనీసం ఇద్దరు లేదా ముగ్గురు కూర్చునే ఏర్పాట్లు చేయండి.
2. బాల్కనీలో లైటింగ్ అధికంగా పడకుండా వుంటే బాగుంటుంది. పాక్షిక సూర్యరశ్మి సూచించదగినది.
3. ఆకర్షణీయంగా వుండాలంటే ఫోల్డింగ్ ఛైర్స్ వంటివి వేసి ఒక టీపాయ్ వేస్తే మరీ బాగుంటుంది. లేదా బీన్ బ్యాగ్ ఒక సెంటర్ టేబుల్ వుండచ్చు. సాయంకాల సమయాలలో పూర్తి విశ్రాంతికై అపుడపుడూ ఒక మగ్గు బీరు తాగటానికి కూడా ఎంతో అనువుగా వుండే ఏర్పాటు కాగలదు.
4. సీటింగ్ ఏర్పాట్లను బట్టి, పిల్లోలు, లేదా కుషన్లు కూడా బాల్కనీ ఏర్పాటులో సౌకర్యం.
5. బాల్కనీ ప్రదేశంలో ఎండకు, వానకు పాడుకాని ఫర్నిచర్ పెడితే మంచిది.
6. బాల్కనీగోడలకు దట్టమైన రంగులు బాగుంటాయి. ఆహ్లాదాన్ని కలిగిస్తాయి.
7. బాల్కనీలో లైటింగ్ కొద్దిపాటిగా వుంటే చాలు. కేండిల్స్ వెలిగిస్తే విభిన్నంగా వుంటుంది. లేదా లాంతర్లు, దీపాలు వంటివి ఆకర్షణగా వుంటాయి.