గృహాన్ని అందంగా తీర్చిదిద్దుకోవడం ఎలా...!

Decor

oi-Saraswathi

By Sindhu

Published: Saturday, December 31, 2011, 15:19 [IST]

నేడు నగరవాసులు ఇంటిని అందంగా తీర్చిదిద్దుకునేందుకు ఎంతో శ్రద్ద వహిస్తున్నారు. హ్యాండీక్రాఫ్ట్స్‌, గృహాలంకరణ వస్తువులతో గృహ శోభను ఇనుమడింపచేస్తున్నారు. ఇం దుకోసం ఎంతటి ఖర్చుకైనా వారు వెనుకాడడం లేదు. గదుల మూలల్లో రంగురంగుల కొవ్వొత్తులుంటే కరెంటు పోయినప్పుడు వెలిగిస్తే కాంతివంతంగా ఉంటుంది ఇల్లు. దీనికి అరోమా కొవ్వొత్తులు ఉంటే బాగుంటుంది. ఇవి సూపర్ మార్కెట్లో లభిస్తాయి. ఇవి ఇంట్లో ఉంటే చూడముచ్చటగానూ ఉంటుంది.

చలికాలం, వర్షాకాలంలో ఇంట్లోని గచ్చు(ఫ్లోర్)చల్లగా ఉంటుంది. దీంతో మీరు నడిచే చోట వెచ్చగా ఉండేందుకు నేలపై కార్పెట్లు పరచండి. ఇవి సాధరణంగా ఉండేలా కాకుండా పెద్ద పెద్ద డిజైన్లున్న వాటిని ఎంచుకుని ఇంట్లో వాడండి. దీంతో ఇంటి అందమే మారిపోతుంది. మీరుంటున్న బాడుగ ఇంట్లో లేదా స్వంత ఇంట్లోని గోడలు సాదాసీదాగా కనిపిస్తుంటే వాటికి మీకు నచ్చిన డిజైన్‌ లలో వాల్ పేపర్‌లను అతికించండి. దీంతో మీ ఇంట్లో మార్పు కచ్చితంగా కనపడుతుంది. అందునా ప్రకృతి వాతావరణానికి సంబంధించిన వాల్ పేపర్లుంటే మరీ మంచిది. అవి చూసినప్పుడల్లా మనసు ఆహ్లాదంగా ఉంటుంది.