స్వర్గాన్ని మరపించేయండి!

క్రింద పేర్కొనే ఆసక్తికరమైన వివిధ రకాల అతి సామాన్య గోడల అలంకరణలు ఎలా చేయాలో చూడండి!
1. మొదటగా మీ కిష్టమైన అంశాన్ని ఎంచుకోండి. అంశాన్ని బట్టి మీకు కావలసిన విధంగా గోడను అలంకరించటానికి వస్తువులు సేకరించండి. ఇవి స్టికర్లు, మేగజైన్ కటింగ్ లు, చిన్న బొమ్మలు, మొదలైనవి కావచ్చు.
2. కాలేజీ ఫొటోలు, ఇతర జ్ఞాపకాలతో కూడిన ఫొటోలను బులెటిన్ బోర్డు, లేదా కార్డ్ బోర్డ్ పై ప్రదర్శించండి. ఇంకా గోడ ఖాళీ వుంటే చిన్నపాటి కామిక్ స్ట్రిప్ లు పెడితే బాగుంటుంది.
3. మీ పిల్లల ఫొటోలు సేకరించండి. కార్డ్ బోర్డ్ పై అంటించండి. మీరే ఒక చిన్న ఫ్రేమ్ తయారు చేయండి. ఇంకా మీ పిల్లవాడి టాయ్ బాక్స్ లో కొన్ని ప్రత్యేక వస్తువులు కూడా అలంకరణలకు కనపడతాయి.
4. స్ధానికంగా పురాతన వస్తువుల మార్కెట్ లో ఒక పురాతన గోడ గడియారం లేదా ఇతర గోడ అలంకరణలు సేకరించండి. ఒక పురాతన లాంతరు దీపం వంటిది కూడా గోడ అలంకరణకు బాగుంటుంది.
5. అద్దాలు అమర్చండి. మంచి కాంతిగా వుంటుంది. గది మరింత విశాలంగా కూడా కనపడుతుంది. అద్దాల డిజైన్లు సాధారణమైనవి కాకుండా, ప్రత్యేకమైనవిగా వుండాలి.
6. నేడు మార్కెట్ లో రకరకాల ఆకర్షణీయమైన వాల్ హుక్ లు వస్తున్నాయి. వీటిని గోడకు పెడితే, కోటు, బెల్ట్, బ్యాగులు మొదలైనవి వేలాడతీయవచ్చు.
7. గోడల అలంకరణ పూర్తయితే, సీలింగ్ అలంకరణ మరువకండి. ఇది కూడా గది అలంకరణలో భాగమే. బాగా కనపడే రంగులతో సీలింగ్ నింపండి. చివరకు బెడ్ పై వెల్లకిలా పడుకొని సీలింగ్ కేసి చూస్తూ వుంటే.....వేరే ప్రపంచంలోకి వెళ్ళనట్లుంటుంది.

ఇకనుండి, మీకు వచ్చే ఆహ్వానపు కార్డులు, అదనపు కేలండర్లు, లేదా పేంప్లెట్లు మొదలైనవి పారవేయకండి. గోడ అలంకరణ సింపుల్ గా చేసేటపుడు ఇవి బాగా ఉపయోగిస్తాయి.