గృహమే కదా స్వర్గసీమ!

1. మీ అభిరుచికితగ్గ ప్రాంతాన్ని ముందుగా ఎంపిక చేయండి. అపార్టుమెంటా లేక ఇండిపెండెంట్ ఇల్లా అనేది నిర్ణయించుకోండి. నివసించే ప్రాంతం మీకు అనువైనదిగా వుండాలి.
2. మీ ఇంటి అలంకరణ మీరంటే ఏమిటో తెలియచెప్పేదిగా వుండాలి. మీ స్టైలు, క్రియేటివిటీ అందులో కనపడాలి. కేరళ ఇంటీరియర్స్ కావాలంటే కొద్దిపాటి సాంప్రదాయ, ఆకర్షణీయ వస్తువులు ఎంపిక చేయాలి.
3. కేరళ రాష్టంలోని ఇండ్లలో పురాతనంగా వాడేది చెక్క లేదా కలప. ఫ్లోరింగ్, తలుపులు చెక్తో చేసినవైతే చాలా బాగుంటాయి.
4. నేటి రోజుల్లోని ఆధునిక ఫర్నిచర్ ఇంటికి ఎంతో అందాన్నిస్తోంది. వివిధ రకాల ఆకృతులు, రంగులు మీ గదికి సరిపోయేలా ఎంపిక చేయండి. కేరళ సంస్కృతి ప్రతిబింబించాలంటే ఇంటీరియర్ అలంకరణలకు చెక్క, చేతిపని, ఐవరీ, కోకోనట్ మొదలైనవి వుండాలి. ఇవి అలంకరణకేకాదు, క్లాసికల్ గాను సౌకర్యంగాను వుంటాయి.
5. లివింగ్ రూమ్ లో ఒక కార్నర్ లోనే కాదు రెండు చోట్ల సోఫా సెట్లు వేయండి. డైనింగ్ కు ప్లేస్ లేదా? లివింగ్ రూమ్ కు ఒక పక్కన సగం ఎత్తులో చెక్కతో సెపరెట్ చేయండి. డైనింగ్ రూమ్ కు టేబుల్స్ కు గ్లాస్ ఫర్నిచర్ వాడండి. లివింగ్ రూమ్ గోడలు బ్రైట్ కలర్లు వుండాలి. డైనింగ్ రూమ్ కు మెటాలిక్ రంగు వుండాలి.
6. బెడ్ రూమ్ లో స్ధలాన్నిబట్టి బెడ్స్ సైజు నిర్ధారించండి. వార్డు రోబ్స్ ఒక మూలగా వుంచండి. మిర్రర్ ను సౌకర్యవంతంగా కూర్చోగలిగిన చోట వుంచండి. నేలపై తివాచీలు పరిచి అద్భుతంగా వుందనిపించండి.
7. కేరళలోని ఇండ్లు సాధారణంగా పర్యావరణ స్నేహ పూరితంగా వుంటాయి. సోలార్ ఎనర్జీని అధికంగా వాడండి.

ఈ ఏడు బంగారు సూత్రాలు పాటించి కేరళ రాష్ట్ర ఇంటి నమూనాను పొందండి. అయితే మీ ఇల్లు మీ అభిరుచిని, వ్యక్తిత్వాన్ని ప్రతిబింబిస్తుందన్న విషయం గుర్తుంచుకోండి. అంకరణ చేసే ముందే బాగా ఆలోచించండి. దానిని మార్చాలంటే ఎంతో వ్యయంతో కూడుకొనిన పని అవుతుంది.