బ్యాచిలర్ల భవంతి బ్యూటిఫుల్ గా వుండాలంటే?

1. తక్కువ ఫర్నిచర్ - ఫర్నిచర్ తక్కువగా, అదికూడా అన్నీ మడతేసి పక్కన పడేసే టైపులో వుండేవిగా ఏర్పాటు చేయండి. టేబుల్ కూడా మడిచి గోడపక్కకు జరిపేసేదిగా వుండేటా నేడు మార్కెట్ లోకి వచ్చేస్తున్నాయి. వాటిని ఉపయోగించండి.

2. కర్టెన్లు కూడా వుండాల్సిందే - సిల్క్ కర్టెన్లు కాకపోయినా దట్టంగా డార్క్ రంగులలో వుండే కర్టెన్లు ఎంపిక చేసి వేయండి.

3. సీట్ల ఏర్పాట్లు - చాలా సమయం మీరు టి.వి. చూస్తూ లివింగ్ రూమ్ లో గడిపేస్తారు. కనుక అక్కడవుండే సీటింగ్ ఏర్పాట్లు సౌకర్యవంతంగా వుండాలి. లివింగ్ రూమ్ లోనే ఒక దివాన్ లేదా కాట్ వంటివి వేసేస్తే చాలా సౌకర్యంగా వుంటుంది. బీన్ బేగ్స్, పెద్ద కుషన్లు, చిన్న స్టూళ్ళు లివింగ్ రూమ్ కు మంచి సౌకర్యాన్ని లుక్ ను ఇస్తాయి.

4. మీకున్న పరికరాలు - మీ వద్ద వున్న బొమ్మలవంటివి కొన్ని అలంకరణగా ప్రదర్శించండి. మీకున్న హోం ధియేటర్ ఇల్లు అంతా వినపడేలా ఏర్పాటు చేయండి. ల్యాప్ టాప్ కు పర్మినెంట్ టేబుల్ వేయండి. మీరు ఒక కుర్చీ కూడా పెట్టుకోండి. చూసేటందుకు, వాడుకునేటందుకు కూడా బాగుంటుంది.

5. మీ హాబీలేమిటో ప్రదర్శించండి - మీరు నివసించే ఇల్ళు మీ ఆసక్తి తెలియపరచాలి. చాలా బ్యాచిలర్ ఇండ్లలో ఇది కనపడదు. మీ కుటుంబ సభ్యుల, స్నేహితుల, కాలేజ్ సహచరుల చిత్రాలు పెట్టండి. లేదా పోస్టర్లవంటివి పెట్టాలనుకుంటే, వాటిని చక్కగా ఫ్రేమ్ చేయించి ఆకర్షణీయంగా వుంచండి.

6. అన్నిటికి మించి మీ ఇంటికి వచ్చే స్నేహితులకు, రాత్రంతా వుండేవారికి కొన్ని సౌకర్యాలు చేయండి. అదనపు తలగడలు, కుషన్లు, బెడ్ షీట్లు, బ్లాంకెట్లు, మేట్రస్ లు వేసి వుంచండి. ఈ సౌకర్యాలన్నీ చేస్తే మీ బ్యాచిలర్ ప్యాడ్ బహు చక్కగా వుంటుందనటంలో సందేహం లేదు.