కంటికి..కాలికి ఇంపైన ఉడెన్ ఫ్లోరింగ్....

Published: Friday, February 24, 2012, 14:05 [IST]

Wooden Flooring will improves your home Value.

సాధారణంగా ఇంటికి అందం గోడలు, సీలింగ్, ఫ్లోరింగ్ వల్లే సాధ్యం. ఆ తర్వాత స్థానం ఇంటీరియర్స్‌కి దక్కుతుంది. మామూలుగా గతంలో ప్లోరింగ్ ను సిమెంట్ తో వేసేవారు. రానురాను మెజాయిక్, టైల్స్ అంటూ అత్యాధునిక పద్దతులు వచ్చాసాయి. ఐతే ఏదో ఒక ఫ్లోరింగ్ అని సరిపెట్టుకోకుండా కాస్త డిఫంట్ థీమ్ కావాలంటే.. బెస్ట్ ఛాయిస్ ఉడెన్ ఫ్లోరింగే. పాలరాతితో తయారైన ప్లోరింగ్ ను మరిపించేంతటి మెరుపుతో మన ప్రతిబింబాలను సైతం స్పష్టంగా చూడగలిగేంత నున్నటి, అందమైన సోయగాలతో అలరారే ‘ఉడెన్ ప్లోరింగ్’ ప్రస్తుత ట్రెండ్..

1. ఫ్లోరింగ్ అంటే.. టైల్స్, మార్బుల్స్, గ్రానైట్, ఫోర్ స్లీనెసెస్, వర్టిఫై టైల్స్ అనుకుంటారు. కానీ వాటితో పోలిస్తే ఉడెన్ ఫ్లోరింగ్ చాలా బాగుంటుంది.
2. ఈ ఫ్లోరింగ్ శుభ్రంచేసుకోవడం చాలా సులభం. అంతేకాదు, ఫ్లోరింగ్‌ ను మార్చాలంటే కూడా టైం ఎక్కువ పట్టదు. మళ్లీ ఈ ఉడ్‌ ని వేరేవిధంగా కూడా ఉపయోగించుకోవచ్చు.
3. ఒక్కోసారి పొరబాటుగా చేయితగిలి నీళ్లు, కూల్‌ డ్రింక్స్‌ లాంటివేమైనా ఒలికిపోతే వెంటనే తుడిచేయాలి. లేదంటే మరకలు పడటం, ఒక్కోసారి అంతమేరకు చెక్క ఉబ్బినట్లవటం లాంటివి జరగవచ్చు. కాబట్టి, సాధ్యమైనంతవరకూ నీళ్లలాంటివి ఒలికి పోకుండా చూసుకోవాలి.
4. పాత ఉడెన్‌ ఫ్లోరింగ్ అయితే ఒకే షేడ్‌ లో ఉండేది. ఇప్పుడు అలా కాదు, చాలా డిఫంట్ షేడ్‌లు మార్కెట్‌లో అందుబాటులోకొచ్చాయి. అయితే మన ఇంటీరియర్స్‌కి నప్పేవిధంగా ఫ్లోరింగ్ ఎంపిక ఉండాలి.
5. వోక్, మాపుల్, వెంగ, చెర్రి అని ఇలా చాలా రకాల ఉడ్స్ ఉన్నాయి. ఇవి వివిధ షేడ్‌ లో ఇంటీరియర్స్‌ కి మ్యాచ్ అయ్యేవిధంగా ఉంటాయి.
6. ఈ ఫ్లోరింగ్ ఏ రూమ్‌లో అయినా వేయించుకోవచ్చు. అయితే కిచెన్‌ లో వేయించుకోకపోవడం మంచిది.
7. బ్రైట్ కలర్ ఉడ్ తీసుకుంటే గది విశాలంగా కనిపిస్తుంది. కాకపోతే మన ఇంటి థీమ్‌ని బట్టే వీటి కలర్ ఎంపిక చేయాలి.
8. ఏవైనా బరువైన బల్లల్లాంటి వాటిని అటూ ఇటూ జరపాల్సి వచ్చినప్పుడు నేలమీద ఈడ్చినట్లు చేయకూడదు. ఫ్లోరింగ్‌పై గీతలు, చారలు పడకుండా ఉండాలంటే ఇంటీరియర్స్‌కి బఫర్స్ ఉపయోగించాలి. దీంతో గదులు మరింత కాలం అందంగా కనిపిస్తాయి.