ఇంటికి అందాన్నిచ్చే వేలాడే మొక్కల కుండీలు!

Gardening

oi-Nageswara

By B N Sharma

Published: Monday, October 10, 2011, 17:57 [IST]

ఇంటిలోపల లేదా బయటి భాగంలో వేలాడే కుండీలలో మొక్కలు పెంచాలంటే ఎంతో జాగ్రత్త కావాలి. అవి పై వరుసలోనే వుంటాయి. అధిక స్ధలాన్ని ఆక్రమించవు. కాని వాటికి నీరు పెట్టటం, సంరక్షించటం కష్టం అవుతుంది. ముందుగా అసలు వాటిని ఇంటిలో ఏ భాగంలో పెట్టాలనేది నిర్ణయించాలి. బయట పెట్టేవాటికంటే కూడా ఇంటి లోపల సీలింగ్ లేదా బాల్కనీలలో వేలాడదీసే వాటికి నీరు నేలపై పడకుండా జాగ్రత్త తీసుకోవాలి. దీనికిగాను డ్రిప్ ట్రే ఏర్పాటు చేయాలి.

సాధారణంగా సూర్యరశ్మి అవసరమనుకునే మొక్కలు ఇంటి బయట పోర్టికో లేదా ఇతర సీలింగ్ ప్రదేశాలలో వేలాడదీయండి. అవసరాన్నిబట్టి వీటికి నీరు పోస్తూ వుండాలి. మొక్క బాగా ఎదుగుతూంటే దాని కొమ్మలను ఎప్పటికపుడు కత్తిరించాలి. వీలైనంత వరకు కుండీలన్నీ ఒకే డిజైన్ లో వుంటే బాగుంటుంది. అదనంగా వీటికి వివిధ రకాల రంగులు వేస్తే మరింత ఆకర్షణీయంగా వుంటుంది. నేటి రోజులలో ఈ కుండీలు ప్లాస్టిక్, ఫైబర్, మెటీరియల్ లో కూడా వస్తున్నాయి.

పూలు వచ్చే మొక్కలు ఇంటి ప్రవేశ భాగంలో పెడితే మరింత ఆకర్షణీయంగా వుంటాయి. పాకే మొక్కలైతే, వేలాడుతూ ఇంటికి మరింత అందాన్ని తెస్తాయి. మొక్కల అవసరాన్నిబట్టి తగినంత ఎరువుల మిశ్రమాలను కూడా వీటికి అందిస్తే, ఎదుగుదల బాగుంటుంది.