ఇంటికి వంటికి మేలు చేసే తులసి!

By B N Sharma

Published: Thursday, September 8, 2011, 11:58 [IST]

How To Grow Basil In A Container Garden?

హిందువుల సంప్రదాయం మేరకు ప్రతి ఇంట్లో ఒక తులసి మొక్క వుండాలి. వీరు దీనిని చాలా పవిత్రమైనదిగా భావిస్తారు. తులసిని కుండీలలో పెంచటం చాలా తేలిక.
నేటి ఆధునిక జీవనంలో ఇంటికి పెరడు మాయమైంది. చాలామంది నగరంలో అపార్టుమెంటుల్లో నివసిస్తూ, తులసి పెంపకాలకు దూరమయ్యారు. కాని తులసి మొక్కను చిన్నపటి పూలకుండీలు, డబ్బాలలో సైతం చక్కగా పెంచి దాని ఫలితాలను పొందవచ్చనేది పరిశీలిద్దాం.

1. తులసి తెలుపు, ఎరుపు గా రెండు విధాల మొక్క. సుమారు 15 నుండి 18 అంగుళాలు పెరుగుతుంది. దీనిని పెంచటానికి 6 అంగుళాల కుండీ చాలు.
2. 8 గంటలు ఎండ తగిలితే చాలు మొక్క చక్కగా ఎదుగుతుంది.
3.ఒక మట్టి కుండీ లేదా డబ్బాలో మట్టివేసి మొక్కను పెట్టి తగినంత నీరు, ఎరువు వేయండి.
4. నీరు తరచుగా పెట్టనవసరం లేదు. మట్టి తేమగా వుంటే చాలు.
5. తులసి దోమలను, ఇతర పురుగులను అరికడుతుంది. కనుక దీనిని ఇంటి ముందరి భాగంలో పెట్టటం మేలు చేస్తుంది.
6. ఇంటికి ఉత్తరం లేదా దక్షిణ భాగంలో పెడితే అధిక సూర్యరశ్మి తగిలే అవకాశం వుంది. తులసికి అధికంగా ఎరువు కూడా వేయాల్సిన పనిలేదు.