కంటికి మరింత పచ్చగా కనపడాలంటే!

By B N Sharma

Published: Friday, November 11, 2011, 17:38 [IST]

సాధారణంగా పెరిగే గడ్డిని మరింత అందంగా ఆకర్షణీయం చేసి గార్డెన్ లలో ఉపయోగించేందుకు, రోడ్లకు ఇరువైపులా పచ్చగా నాటేటందుకు అమెరికా పరిశోధకులు కృషి చేస్తున్నారు.

గైనేస్ విల్లిలోని ఫ్లారిడా యూనివర్శిటీ ప్రొఫెసర్ ఫ్రెడ్ ఆల్ పీటర్ మేరకు ఈ సాధారణ గడ్డి సారంలేని భూములలో కూడా పెరుగుతుందని, అనేక క్రిమికీటకాలకు తట్టుకోవడమే కాక, నీటి కరువు లేదా విపరీతమైన హీట్ వంటి వాటిని కూడా నిరోధించి ఎదగగల సామర్ధ్యం వుందని తెలుస్తోంది. ఫ్రెడ్ ఆల్ పీటర్ మేరకు బహియా గ్రాస్ అనే ఈ గడ్డి 60 సెం.మీ.వరకు ఎండాకాలంలో ఎదుగుతుంది. అయితే దీని ఎదుగుదల చాలా నిదానంగా వుండటంతో పిచ్చి మొక్కలు దీని ఎదుగుదలకు హాని కలిగించవచ్చని ఆయన అభిప్రాయపడ్డారు.

అయితే, ఈ సమస్యను అదే జాతిలోని ఇతర గ్రాస్ కు చెందిన జీన్ కలపటం ద్వారా అధిగమించవచ్చని కూడా ఆయన వెల్లడించారు.