పురుషులు ఇంటి అలంకరణ, తోటపని చేస్తే!

కాలిఫోర్నియా యూనివర్శిటీ లోని రీసెర్చర్లు పురుషులు స్వేదం చిమ్మితే, వారిని చూడటానికి మహిళలు ఇష్టపడతారని, వారి శరీర చెమట చూస్తే చాలు మహిళలలో హార్మోన్ స్ధాయిలు పెరిగి కామం ఆకాశాన్నంటుతుందని చెపుతున్నారు. అయితే, పురుషులు తమ సువాసనా ద్రవ్యాలు ఈ కారణంగా బయట పారేయవద్దని, వీలైనంత వరకు తమ విచక్షణ చూపాలని వీరు తెలిపారు.

తోటపనిలో శారీరక శ్రమతో పాటు మనసుకు ఆనందం కూడా లభిస్తుంది. సహజ రంగులతో కూడి సువాసనలు వెదజల్లే పూల మొక్కలు, కాలికి మెత్తగా తగులుతూ, కంటికి పచ్చగా కనపడే లాన్లు మంచి శారీరక ఆరోగ్యాన్ని కలిగిస్తాయి. మొక్కలకు నీరు పెట్టటం, మళ్ళు కట్టటం, పెరిగే మొక్కలకు కత్తెర వేయటం వంటివి ఉత్సాహం పుట్టిస్తాయి. పురాతన కాలంలో, తోటపనికిగాను జంటగా భార్యా భర్తలనే ఎంపిక చేసేవారు. మహిళ సహకరిస్తే పురుషుడు శారీరకంగా ఎంతపని అయినా చేయటానికి వెనుకాడడు. అందునా, ఆహ్లాదకరమైన తోటపని మహిళలకే కాదు పురుషులకు కూడా ఎంతో ఇష్టాన్ని కలిగిస్తుంది.