వెన్నెల్లో వికసించే పువ్వులు.....

Gardening

oi-Saraswathi

By Sindhu

Published: Thursday, May 10, 2012, 18:49 [IST]

వెన్నెల్లో వికసించే పువ్వులు మన పెరటిలో ఉంటే ఎంత అందంగా ఉంటుంది అనుకుంటాం. రాత్రి వేళ ఆరబయట వెన్నెల్లో కూర్చుని సేదతీరుతున్నప్పుడు ..గార్డెన్ లో అప్పుడే విచ్చుకుంటున్న పువ్వులను చూస్తే మనస్సు పరవశిస్తుంది. అలాంటి పువ్వులు కూడా ఉన్నాయా అంటే అవుననే చెప్పాలి. ఇలా రాత్రుల్లో వికసించే పువ్వులు ప్రత్యేకంగానే ఉంటాయి. ఎందుకంటే అలాంటే పుష్పాలను రాత్రివేళల్లో ఎక్కువగా ఆకర్షించేది తేనెటీగలు, సీతాకోక చిలుకలు..వికసించే పువ్వుల అందానికి ఇవి కూడ జోడైతే చూడటానికి మరింత అందంగా కనబడుతుంది. కొన్ని రకాలు పువ్వు సూర్యుడు పుడుతున్నప్పుడు వికసిస్తే మరికొన్ని రకాల పువ్వులు చంద్రుడు వచ్చాయ వికసించడం మొదలు పెడతాయి. అయితే రాత్రివేలల్లో వికసించే పువ్వులకు సువాసనలిచ్చే స్వభావం ఎక్కుగా ఉంటుంది. అందుకే కీటకాలతో పాటు మనుష్యులను కూడా ఎక్కువగా ఆకర్షించ గలుగుతాయి...మరి అలా మనుష్యుల మనస్సులు అత్తుకొనే పువ్వులేంటో చూద్దాం...

1. క్వీన్ ఆఫ్ ది నైట్: ఇది రాత్రిపూట మాత్రమే వికసిస్తుంది కాబట్టి ఈ పువ్వును క్వీన్ ఆఫ్ ది నైట్ అంటారు..ఇది వికసించే సమయంలో వచ్చేటటువంటి ఘాటైన పరిమళం మరే పుష్పం నుండి రాదు. ఇది పూల మొక్క కాదు. అయితే కాక్టేసి జాతికి చెందినటువంటి ఈ మొక్క సంవత్సరానికి లేదా కొన్ని సంవత్సరానికి ఒక్కసారే పుష్పాలు వికసిస్తాయి. సాధారణంగా దీన్ని సిర్రస్ కాక్టస్ లేదా క్వీన్ ఆఫ్ ది నైట్ అని పిలుస్తుంటారు. మంచి సువాసనలు కలిని ఈ పుష్పం తెల్లటి రేకులతో అందంగా వికసించే మొక్కను పెంచుకొంటే సమ్మర్ లో గార్డెన్ స్పెషల్ గా కనిపిస్తుంటుంది.

2. నైట్ ఫ్లవరింగ్ జాస్మిన్ (రాత్రిపూట వికసించే మల్లెపువ్వు): అన్ని రకాలైనటువంటి మల్లెపువ్వులు రాత్రిపూట వికసించవు అయితే కొన్ని మాత్రం వికసిస్తాయి. ఈ మల్లె చెట్టు తీగలుగా బాగా పైకి పాకి తీగలు ముదురు ఆకుపచ్చవర్ణంలో పువ్వులు తెల్లగా వికసించి రాత్రుల్లో చూడటానికి చాలా అందంగా కనిపిస్తుంటాయి. సువాసనలతో పాటు గార్డెన్ కూ సౌందర్యాన్నిస్తాయి.

3. మూన్ ఫ్లవర్స్: రాత్రి పూట పూచే ఈ మొక్క ఫ్లవర్స్ కూడా మూన్ ఫ్లవర్స్ అంటారు. ఈ మొక్క లోని పువ్వులు చాలా విచిత్రంగా తెలుపు, వైలెట్ రంగుల్లో వికసిస్తాయి. ఈ మొక్క చాలా మందికి తెలిసి ఉండకపోవచ్చు. ఈ ఫ్లవర్స్ ను ఎక్కువగా పెళ్లిళ్లు, ఫంక్షన్లకు ఎక్కువగా వినియోగిస్తుంటారు. ఈ మొక్క సాధారణంగా తీగలా అల్లుకుంటుంది కాబట్టి త్వరగా పెరిగిపోతుంది.

4. కొలంబినే: మరొక్క పువ్వు కొలంబినే. ఇది కూడా రాత్రి పూట మాత్రమే వికసిస్తుంది. ఈ పువ్వు ఎక్కువ కలర్స్ లో వుంటాయి. అయితే వైలెట్, బ్లూ, వైట్ కలర్స్ లో ఎక్కువ వికసిస్తాయి. ఇది చాలా పొడవుగా ఉండే మొక్క. ఇది ఎక్కువగా వేసవికాలంలో పువ్వులు వికసిస్తుంటాయి. వికసించినప్పుడు వచ్చే సువాసనలు గార్డెన్ మొత్తం అల్లుకుపోతుంది.

5. ఈవినింగ్ ప్రింరోజ్: ఇది రోజా మొక్క కాదు. వేసవిలో వికసించే ఈవినింగ్ రోజ్..ఇది చాలా పెద్దగా వికసించి అలాగే ఉదయం వరకూ ఉంటుంది. ఈ పువ్వు ఎక్కువగా పింక్ కలర్ లో ఉంటాయి. ఈ మొక్కను గార్డెన్ లో పెంచడం చాలా సుభం. ఈ పువ్వునుండి వెలువడే పరిమళాలు ఎక్కువ సేపు అలాగే ఉంటాయి...