పూల మొక్కలను పెంచి పోషించేందుకు చక్కటి సూచనలు...?

Gardening

oi-Saraswathi

By Sindhu

Published: Friday, February 17, 2012, 15:20 [IST]

పూలు పూయించే మొక్కలతో మొత్తం గార్డెన్ అంతటికి అందం..ఓ కళ. అయితే మనం పూలచెట్లను అందం, పరిమళంకోసం పెంచుతుంటాం. ఇంటిముందు ఎక్కువ స్థలం ఉన్నవారు ఓ చిన్న మోస్తరు పూదోటను పెంచితే, ఫ్లాట్స్‌లో నివశించేవారు తమకు లభ్యమయ్యే ప్రదేశంలో పూలకుండీలు పెట్టి పుష్పాలను పూయిస్తారు. పూల మొక్కలు ఎప్పుడు ఫ్రెష్ గా..కలర్ ఫుల్ గా.. చుట్టుప్రక్కల సువాసనలు విరజల్లుతూ పూస్తూవుంటాయి. పూల మొక్కలను ఇదివరకిటిలా అలా వదలివేయకుండా కొన్ని జాగ్రత్తలు తీసుకొన్నట్లైతే..ఇంట్లో స్త్రీలు తమ వాలుజడలో ముడుచుకోవడమే కాకుండా తమ ఇంట్లో అలంకరించి, ఇంటికి కొత్త అందాలను చేకూర్చే ప్రయత్నం చేయోచ్చు. కాబట్టి ఫ్లవర్ గార్డెన్ ను మైయింటైన్ చేయాలంటే కొన్ని టిప్స్ మీకోసం.........

కన్నులకింపైన పుష్పాలను పుష్పించే మొక్కలను ఎంచుకుని పెంచటం ఒక కళ అయితే... అలా పుష్పించిన ఫ్లవర్ వేజ్ లో చూపులను ఆకట్టుకునేట్లు అలంకరించటం ఓ కళ. పూలతో ఇంటిని కరించాలనుకోవాలనుకుంటే మొదటగా పుష్పించే మొక్కలను గురించి తెలుసుకోవటం అత్యంత అవసరం. పుష్పించే మొక్కలను గమనించినప్పుడు, కొన్ని ఓ ప్రత్యేకమైన సీజన్ లో మాత్రమే పుష్పిస్తే...మరికొన్ని సంవత్సరానికి రెండుసార్లు, ఇంకొన్ని సంవత్సరం పొడవునా పుష్పిస్తూనే ఉంటాయి.

పూలకోసం మొక్కలను పెంచేముందు అవి పుష్పించే సీజన్లను దృష్టిలో పెట్టుకోవాలి. ఇలా సీజన్లను దృష్టిలో పెట్టుకుని మొక్కలను పెంచటంవల్ల సంవత్సరం పొడవునా పుష్పాలు లభ్యమయ్యే అవకాశం ఉంది. ఉదాహరణకు ఎండాకాలంలో పుష్పించే మల్లె, సన్నజాజి, చామంతి, రోజా, సంపెంగ... అయితే ఎప్పుడూ సంవత్సరం పొడవునా పూయించే పూల మొక్కలను పెంచడం చాలా సులభంగా ఉంటుంది.

అదేవిధంగా పరిసర వాతావరణం, నేల స్వభావాన్ని బట్టి పుష్పించే మొక్కల పెరుగుదల ఉంటుంది. పూల మొక్కలను సారవంతమైన భూమిలో పెంచాలి. పూల మొక్కల చుట్టూ కలుపు మొక్కలను తీసేసి కంపోస్ట్ ఎరువును, మట్టిని పూల మొక్కలను వేయాలి. అలాగే పూల మొక్కలకు నీళ్ళు పట్టడం కూడా ఓ పద్దతి ప్రకారం నీళ్ళు పట్టాలి. పూల మొక్కలకు ఉదయం మరియు మధ్యహాన్నం(సాయ:సంద్యవేల నీరు పట్టడం వల్ల చెట్లకు కావలసిన నీరు ఆవిరైపోకుండా ఉంటాయి.

కొన్ని రకాల పూల మొక్కలను అప్పుడప్పుడు పోస్తే సరిపోతుంది. కొన్ని మొక్కలు ఎండలో పెరిగితేనే బాగా వికశిస్తాయి. అయితే ఫ్లవర్ గార్డెన్ కు పూర్తి సూర్య రశ్మి...నీళ్ళు తోటే కళకళలాడుతుంది. ప్రతి 30-60రోజులకు ఒక్కసారి పూలమొక్కలదగ్గరు రాలిపోయిన ఆకులు చెత్తచెదారం శుభ్రం చేయాలి. అలా చేయడం వల్ల మొక్కలు బాగా పెరుగుతాయి. మొక్కలకు ఎండిపోయినటువంటి ఆకులు, నేలపై పెరిగి గెడ్డి, ఉపయోగించి మిగిలిన కూరగాయ పదార్థాలు మంచి కంపోస్ట్ గా ఉపయోగపడుతుంది..కాబట్టి చిన్నపాటి ఈ సూచనలు పాటిస్తే మీ ఇంట్లో అందమైనటువంటి..కలర్ ఫుల్ ఫ్లవర్ గార్డెన్ మీ సొంతం అవుతుంది.