రాత్రిపొద్దు వికసించే పూలు!

Gardening

oi-Nageswara

By B N Sharma

Published: Monday, February 27, 2012, 16:01 [IST]

సాధారణంగా మొక్కలకుండే పూలు ఉదయంవేళ సూర్యకిరణాలు మీద పడగానే వికసిస్తూంటాయి. అయితే, కొన్ని రకాల పూలు రాత్రివేళ మాత్రమే వికసిస్తాయి. చక్కని సువాసనలను అందజేస్తాయి. వాటి మంచి వాసనలతో మనుషులనే కాదు క్రిమి కీటకాలను కూడా ఆకర్షిస్తాయి. ఆ రకమైన పూలు ఏమిటనేది పరిశీలించి ఇంటి గార్డెన్ లో ఆ మొక్కలను వేసి ఆనందించండి.

1. నైట్ క్వీన్ - ఈ పూలకు వున్న వాసనలు మరే పూవుకు వుండదు. ఇది సంవత్సరానికోసారి పూస్తుంది. అది కూడా కొన్ని సంవత్సరాలకు ఒకసారి మాత్రమే. దీనినే సెరియస్ కాక్టస్ అని కూడా పిలుస్తారు. అందమైన తెల్లని రేకులతో ఇది మంచి వాసననిస్తుంది.
2. జాస్మిన్ - వీటిలో అన్న రకాలు కాకుండా, కొన్ని రకాలు మాత్రమే రాత్రి వేళ వికసిస్తాయి. పూలు తెల్లగా వుంటాయి. ఇది ఉప్పు నీరు అధికంగా వున్న నేలలలో పెరగదు.
3. మూన్ ఫ్లవర్ - రాత్రి వికసించే ఈ పూవును మూన్ ఫ్లవర్ అని పిలుస్తారు. మూన్ వలే గుండ్రంగా వుండటం వలన దీనిని మూన్ ఫ్లవర్ అంటారు. ఈ పూవు కూడా తెల్లగా వుంటుంది. ఇది పాకే మొక్క, బలంగా వుంటుంది.
4. కొలంబైన్ - కొలంబైన్ పూవుకు మూన్ అంటే చాలా ఇష్టం. మూన్ వున్న రోజులలోనే ఇది పూస్తుంది. తెల్లగా అందంగా వుండి గాఢమైన సువాసనలను ఇస్తుంది. ఇది గార్డెన్ లో ఒక చోట వేస్తే చాలు బాగా వ్యాపిస్తుంది.
5. ఈవెనింగ్ ప్రిమ్ రోజ్ - ఈ జాతి పూలలో కొన్ని మాత్రమే సాయంత్రం వేళ వికసించేవిగావుంటాయి. ఇవి తెల్లని గులాబీలు. పెంచటం చాలా తేలిక. మంచి సువాసనలు వెదజల్లుతాయి.

ఈ చిట్కాలను ఉపయోగించి మీ ఇంటి ఆవరణలో రాత్రివేళ వికసించే అందమైన పూదోటను పెంచి సువాసనలు ఆనందించండి.