మీ గార్డెన్ లోని మట్టిని సారవంతం చేయడం ఎలా ?

విరగకాసే పూదోట లేదా కూరగాయల తోట చాలా మంది కోరుకుంటారు. ముఖ్యంగా, కాయగూరల సేద్యంలో అప్పుడే అడుగుపెట్టిన వారైతే, ఆరోగ్యకరమైన మొక్కలు విరగకాస్తే ఆ కూరలు గొప్పగా ఇరుగు పొరుగుకి ఇవ్వాలని కూడా అనుకుంటారు. ఐతే ఆ కల సాకారం కావాలంటే కేవలం నాటడం, విత్తనాలకు నీరు పోయడం కన్నా ఎంతో చేయాలి. ఇందులో విజయం సాధించడానికి సారవంతమైన మట్టి చాలా కీలకమైన పాత్ర పోషిస్తుంది. పూర్తీ స్థాయిలో ఉత్పాదకత ఇవ్వాలంటే నిత్యం పోషకాలు అందించవలసిన ఒక జీవి గా మట్టిని భావించండి.

సూచనలు :
1. మట్టికి సేంద్రియ ఎరువు ను కలపండి. సేంద్రియ ఎరువులలో మట్టికి అత్యవసరమైన నైట్రోజెన్ వుంటుంది. ఎరువును పై పై న చల్లే బదులు ఒక పారతో మట్టిలో బాగా కలియబెట్టడం చాలా ముఖ్యం. ఈ ఎరువును మీరు ఇంటి వద్దే తయారు చేసుకోవచ్చు లేదా నర్సరీలలో కొనవచ్చు.
2. ఆవు లేదా గుర్రం పేడ తెచ్చి మట్టిలో బాగా కలపండి. ఈ ఎరువులో కూడా పుష్కలంగా వుండే నైట్రోజెన్ మొక్కలలో ఆకుల ఎదుగుదలకు ఉపకరిస్తుంది.
3. చీడ పట్టని రాలిన ఆకులను కూడా మట్టికి కలపవచ్చు. తెగులు లేదా కుళ్ళు వున్న ఆకులు కలవకుండా జాగ్రత్త తీసుకోండి, లేదా మట్టి మొత్తం తెగులు బారిన పడుతుంది. తర్వాత, ఆకులను మట్టిలోకి లోపలి పోయేలా ఒక పారతో కలియతిప్పండి. ఒక లాన్ మోవర్ ను మీ లాన్ లోని ఆకుల మీద నడిపితే ఆకులు చిన్న చిన్న ముక్కలుగా మారతాయి.

చిట్కాలు & హెచ్చరికలు
బాగా తడిగా గానీ, బాగా పొడిగా గానీ వున్న మట్టిలో సేంద్రియ ఎరువులు కలపక౦డి. ముట్టుకుంటే మెత్తగా ఉండేలా తయారయ్యే వరకు వేచి వుండి ఆ మట్టిలో ఎరువును కలపండి.