బోన్సాయ్ మొక్కల ప్రాధాన్యత....!

Published: Thursday, March 29, 2012, 15:49 [IST]

పట్టణాలు, నగరాల్లో నివసించే వారు ప్రశాతంత కోసం పార్కుల వెంట తిరుగుతుంటారు. కొంచెం ఫ్రెష్ గాలికోసం, వాకింగ్ కోసం, శరీర అలసట కోసం పార్కలు వెంట తిరుగుతుంటారు. అయితే ఆపార్కులలో గమనిస్తే పచ్చటి ఆకారాలు కొన్ని కనిపిస్తాయి. కాసేపు చూడాలనిపిస్తుంటుంది. అటువంటివి మన ఇంటి వద్ద కూడా ఉంటే ఎంత బాగుంటుందో అని అనిపిస్తుంది. ఇంటిముందు స్థలం ఉంటే ఇదేం పెద్ద కష్టం కాదంటున్నారు గార్డెనింగ్‌లో మెళకువలు కలిగినవారు. అలాంటి మొక్కల్లోనే సంవత్సరం పొడవున ఫ్రెష్ గా కనిపించేటటు వంటి బోన్సాయ్ మొక్కలు..కాండం, వేర్లు పైకి కనిపించే ఈ ఇన్ డోర్ మొక్క చూడటానికి విచిత్రంగా వున్నా చాలా అందంగా ఉంటుంది. ఈ మొక్కనే బోన్సాయ్ మొక్క అని అంటారు. ఈ మొక్కను ఇంటి దగ్గర పెరట్లో పెంచుకోవాలంటే కాస్త ఇబ్బందిగా అనిపించినా మొదలు పెట్టిన తర్వాత దాని అందానికి మంత్రముగ్దులై ప్రతి రోజూ దాని సంరక్షణలోనే గడిపేస్తారు.

మొక్కలు పెంచటం చాలామంది ఇష్టమే, పెంచుతుంటారు కూడా. మరికొందరికి చెట్లను పెంచటం ఇష్టం. కానీ ఆ పని ఇంట్లోనో లేదా పెరట్లోనో చేయటం కష్టం. అందులోనూ చూపరులని అబ్బరపరిచే విదంగా ఐతే మరీ కష్టం. ఇలాంటి వారికోసం తయారు చేయబడినవే ఈ బోన్సాయ్ మొక్కలు. బోన్సాయ్ మొక్కలు చూడ్డానికి చాలా పొట్టిగా మరుగుజ్జు మొక్కల్లా కనిపిస్తాయి. చైనా భాషలో బోన్సాయ్ అంటే కుంపట్లో పెంచే చెట్టు అని అర్థం. సాధారణంగా వీటిని గింజల పాతి పెంచరు. కావలసిన చెట్టును ఎంచుకొని, గట్టిగా ఉన్న దాని చిన్న కొమ్మను ఒకదానిని తుంచకుండానే, దానికి వేర్లు తెప్పించటానికి సరిపడే రసాయణాలలో దానిని ఉంచుతారు. సాధారణంగా పూర్తిగా ఎదిగిన చెట్టునే అమ్ముతారు. ఈ మొక్కల్లో మూడు రకాల మొక్కలున్నాయి. ఫికస్(మర్రి), జునిపర్, చైనీస్ ఎల్మ్ వీటిలో ఎంపిక చేసి తెచ్చుకొని ఇన్ డోర్ లో పెంచుకొన్నట్లైతే ఇంటికి అందంతో పాటు ఆకర్షణ కలిగిఉంటుంది.