అందాలకు అద్దంపట్టండిలా...!

Improvement

oi-Nageswara Sharma

By B N Sharma

Published: Wednesday, September 14, 2011, 10:28 [IST]

బాత్ రూమ్ లను పొడిగా వుంచుకోడం అనేది మనం పాశ్చాత్యులనుండి తెలుసుకున్నాం. గతంలో బాత్ రూమ్ ఫ్లోర్ శుభ్రంగా వుండాలంటే బకెట్ల కొద్ది నీటిని పోసి శుభ్రపరచేవారం. ఆధునిక బాత్ రూమ్ లు కొద్దిపాటి శ్రమతో ఎంతో పరిశుభ్రంగా వుంటున్నాయి. తడి వుంటే మాత్రం శుభ్రత, ఆరోగ్యం కోల్పోతున్నామనే భావన బలపడుతోంది. మన బాత్ రూమ్ పొడిగా ఎందుకు వుంచుకోవాలనేదానికి కొన్ని కారణాలు పరిశీలించండి.

తడిగా వుండే బాత్ రూమ్ తో ఇబ్బందులు.
నీరు గది మూలలలో, బకెట్ల చుట్టూ నిలబడుతుంది. టైల్స్ పై మరకలు పడతాయి. తడిగా వుంటే వాసన కూడా వస్తుంది. ఇక మనం స్లిపప్పర్స్ వేసుకుని లోపలకు వెళ్ళామంటే వాటి మరకలు కూడా పడతాయి. బాత్ రూమ్ లో వాడే నీరు గోడలను తడపటమే కాక డోర్ చెక్కను సైతం తినేస్తుంది. ఈ సమస్యలన్ని పరిష్కరిస్తూ బాత్ రూమ్ ను పొడిగా వుంచుకోడమెలాగో చూద్దాం!
-బాత్ రూమ్ నేల పొడిగా వుండాలంటే, ఉపయోగించిన తర్వాత బట్టతో తుడవండి. టైల్స్ పొడిగా వుండి చక్కగా వుంటుంది.
-నేటి రోజుల్లో తడిని తుడిచేయాలంటే రబ్బర్ మోపా లు వస్తున్నాయి. వీటితో నీటిని తుడిచేయండి.
-తుడిచేటపుడు కొద్దిపాటి ఫినాయిల్ వాడి మంచి వాసన కలిగించండి.
-బాత్ రూమ్ వాడిన తర్వాత విండో తెరచి ఎక్సాస్ట్ ఫ్యాన్ వేయండి. ఇక కొద్దిపాటి తడి వున్నప్పటికి వాసన రాదు.

వ్యాధిని నివారించుకోడం కంటే అది రాకుండా చూసుకోడమే మంచిదనన్నారు. అసలు తడి చేయకుండా వుంటే ఇంక తుడిచే ప్రసక్తేరాదు. టాయ్ లెట్ కుండీ వాడేటపుడు నీరు బయట పడకుండా చూడండి. మీ ఇతర అవసరాలకు వాష్ బేసిన్ వాడండి. మరిక స్నానం సంగతి? నీరు కింద పడకుండా స్నానం చేయటం సాధ్యం కాదు. అయినప్పటికి షవర్ కర్టెన్ వేసి మీరు స్నానం చేసే కొద్దిపాటి జాగా మాత్రం తడి అయ్యేలా మిగిలినది పొడిగా వుండేలా చూడండి.

ఈ కొద్దిపాటి చర్యలతో మీ బాత్ రూమ్ ఎపుడూ పొడిగానే వుండగలదు.