తాగేనీరు శుభ్రంగా వుంటే....!

1. అవసరం - అసలు మీకు గల వాటర్ ప్యూరిఫైయర్ అవసరాన్ని పరీక్షించండి. నీరు క్లోరిన్ కలిగి వున్నా లేదా వాసన వేస్తున్నా ప్యూరిఫైయర్ కొనండి. మీ ఇంటి నీటిలో ఐరన్ వున్నదా అనే అంశాన్ని ఒకసారి లేబ్ లో పరీక్షలు చేయించండి. అసలు సమస్య తెలుసుకుంటే, ఏ రకం ప్యూరిఫైయర్ కొనాలనేది తేలికవుతుంది.

2. బావినీరు - ఇంట్లో బావి వుందా? సందేహం లేకుండా వాటర్ ప్యూరిఫైయర్ కొనండి. బావులలో ఆరోగ్యానికి హానికలిగించే బాక్టీరియా, రసాయనాలు వుంటాయి. వాటర్ ప్యూరిఫైయర్ ఉపయోగిస్తే మంచినీరు లభ్యం కాగలదు.

3. నాణ్యత - నాణ్యతగల వస్తువులు ఖరీదుగానే వుంటాయి. అయినప్పటికి ఆరోగ్య రీత్యా కొన్ని బడ్జెట్ మించిన ఖర్చులు పెట్టి కొనాల్సిందే. అధిక ఖరీదు పెట్టేముందు ఒకటి లేదా రెండు చోట్ల విచారించి వస్తువు కొనండి.

4. బ్రాండెడ్ పరికరాలు - బ్రాండెడ్ ఐటమ్స్ అయితే మంచిదే. అయితే అది మీ ఖచ్చితమైన అవసరం తీర్చేదై వుండాలి. అందుకుగాను రెండు లేదా మూడు తయారీదారుల ఐటమ్ లు పరిశీలిచండి.

పరిశుభ్రమైన నీరు తాగితే ఆరోగ్య ప్రయోజనాలు ఎన్నో వున్నాయి. శరీరం తేమతో వుంటుంది. బరువు తగ్గుతుంది. చర్మం సంరక్షించబడుతుంది. శుద్ధమైన నీరు మీ జీవప్రక్రియను కూడా పెంచుతుంది. నేడు వస్తున్న ఆధునిక టెక్నాలజీతో తయారైన పరికరాలతో నీటిలో ఏ రకమైన దోషాలున్నప్పటికి భయపడాల్సిన అవసరం లేదు.