దుస్తులపై తుప్పు మరకలు..ఐరన్ మరకలు పోగటడం ఎలా...!

Improvement

oi-Saraswathi

By Sindhu

Published: Thursday, June 14, 2012, 17:27 [IST]

ప్రతి రోజూ ధరించే దుస్తులకు ఎంతో ప్రాముఖ్యత ఉంటుంది. ఎదుటివారు ధరించిన దుస్తులను బట్టి వారి వ్యక్తిత్వాన్ని, ఆర్థిక పరిస్థితిని అంచనా వేస్తుంటారు. వయస్సును బట్టి వారి డ్రెస్‌లు, మారుతూంటాయి. వయస్సుకు తగినట్లుగా ఉండే వస్త్రధారణ వారి అందాన్ని పెంచుతుంది. పెద్ద వయస్సు వారు తాము ధరించే దుస్తుల పట్ల ప్రత్యేక శ్రద్ధ తీసుకోవాలి. ధరించే దస్తులు ఎంతో శుభ్రంగా ఉండటమన్నది ప్రధాన విషయం. ఖరీదైన బట్టలు కొనగానే సరికాదు. వాటిని చక్కగ మెయింటైన్‌ చేయగలగాలి. బట్టలు ఉతకడంలో సరైన జాగ్రత్తలు తీసుకున్నట్లయితే, బట్టలు శుభ్రపడటమే కాక అందంగా, ఆకర్షణీయంగా కనిపిస్తాయి. దుస్తులపై ముడుతులను ఐరన్ తో వదిలించుకోవాలి. బట్టలు ఉతకటంలో ఎటువంటి పద్దతులను ఆచరించవలసినదీ ప్రతివారూ తెలుసుకోవాల్సిన విషయం.

1. అన్ని రకాల బట్టలను ఒకేవిధంగా ఉతకకూడదు. ఉన్నితో తయారయిన బట్టలను బ్రెష్‌తో రుద్దకూడదు. బండకేసి బాదకూడదు. ఉలెన్‌ దుస్తులను తాడు లేదా వైర్‌మీద వ్రేలాడదీసి ఆరేసి క్లిప్పులు పెట్టడమన్నది సరైన పద్దతి కాదు. అలాచేసినట్లయితే, వాటి షేపు పాడయి ఊలు దుస్తులు సాగిపోతాయి. నేలను శుభ్రపరిచి వాటిని నేలమీద ఆరేయ్యాలి. ఊలు దుస్తులను పిండకూడదు. అలాగే ఐరన్ వైర్ లేదా ఐరన్ హ్యాంగర్ ల మీద వేలాడదీయ్యడం వల్ల ఐరన్ బట్టలకు అట్టుకొని మరకలవుతాయి. దాంతో చూడటానికి అసహ్యంగా ఉంటుంది.
2. సిక్కా, పాలియస్టర్‌ బట్టలను పిండకుండా, నీళ్ళ కారిపోయేలా ఉంచి, ఆ తర్వాత వాటిని ముడతలు లేకుండా దులిపి ఆరె య్యాలి., బట్టలను ఐరన్‌ చేసేటప్పుడు, బట్టల తరహాను బట్టి తగిన ఉష్ణోగ్రతతో చేయాలి. బటన్స్‌ మీద, ఎలాస్టిక్‌ మీద ఐరన్‌ బాక్స్‌ను ఉంచకూడదు.
3. బట్టల మీద ఏర్పడిన మరకలను అశ్రద్ధ చేయకుండా వెంటనే తొలగించాలి. అలా చేయకుంటే అక్కడ నీరు ఎక్కువగా వుండటం వల్ల అవి మురికి అక్కడే నిల్వ ఉండి తెలుపు బట్టలు పసుపు వర్ణంలోనికి మారుతాయి.
4. మాసిన బట్టలను ఇస్త్రీ చేయకూడదు. అలా చేసినట్లయితే, ఆ మురికి బట్టల్లోకి ఇంకి, మురికి పేరుకుపోయి బట్టలు అపరిశుభ్రంగా కనిపిస్తాయి. రంగు మారి అసహ్యంగా కనబడుతాయి. దుస్తులను ఐరన్ చేసిన తర్వాత కూడా ఐరన్ ముడుతలు అలాగే ఉన్నట్లే కొన్ని జాగ్రత్తలు తీసుకోవాలి.
5. బట్టలు ఆరగానే వాటిని చక్కగా మడత చేసి సర్దుకోవాలి. వాటిని తెచ్చికుప్పగా పడెయ్యకూడదు. అలా చేసే బట్టలు ముడతలు పడి, ధరించటానికి శుభ్రంగా ఉండవు., బట్టలు కొనే విషయంలో ధరించేటప్పుడు, ఉతికే సమయంలో సరైన శ్రద్ధ తీసుకుంటే, ఆ దుస్తుల వల్ల వారి అందం పెరుగుతుంది.
6. బట్టలనుండి ఐరన్ మరకలను వదించుకోవటం కోసం ప్రతి సారి మీరు బట్టలు ఉతికే సమయంలో ఆ నీటిలో వెనిగెర్ కొన్ని చుక్కలు వేసి నానబెట్టి ఉతకాలి. అప్పుడు తెల్లబట్టలు పాతబడినట్లు కలర్ తక్కువై కనిపిస్తుంటాయి. తెలుపు వర్ణం బట్టలు పసుపు వర్ణంలోకి మారుతాయి. అందువల్ల కొన్ని వెనిగర్ చుక్కలు వేసి ఉతకడం లేదా ఉతికిన బట్టలను కొద్దిగా వేడినీళ్లలో వెనిగర్ వేసి నానబెట్టి తర్వాత ఆరబెట్టడం మంచిది.
7. తెలుపు బట్టలు పసుపు రంగులోని మారడానికి కారణం నీటిలో ఐరన్ శాతం ఎక్కువగా ఉండటం. కాబట్టి బట్టల్లో తెలుపు వర్ణం తగ్గకుండా ఉండేందుకు, బట్టలను మంచి డిటర్జెంట్ సోప్ తో శుభ్రం చేసిన తర్వాత ఒక బకెట్ నీటిలో కొద్దిగా ఉప్పు వేసి కొద్దిసేపు అలాగే నానబెట్టి తర్వాత ఆరబెట్టాలి.