నిమ్మతో ఇంటిని శుభ్రం చేసే టెక్నిక్స్

కిటికీ

నిమ్మతో శుభ్రం చేస్తే.. మీ ఇళ్లు తలతలా మెరిసిపోవాల్సిందే. గాలితో పాటు వచ్చిన.. దుమ్ము, ధూళి కిటీల చెక్కలకు అంటుకుపోయి ఉంటుంది. ఎన్నిసార్లు క్లీన్ చేసినా.. మళ్లీ మళ్లీ పేరుకుపోతుంది. కొన్ని సందర్బాల్లో ఎంత శుభ్రం చేసిన వదలదు. అలాంటప్పుడు.. నిమ్మకాయ రసం తీసి.. ఒక మగ్ నీళ్లలో కలపాలి. దానికి కాస్త బేకింగ్ సోడా కూడా కలుపుకోవాలి. ఈ నీటిలో కాటన్ వస్త్రాన్ని ముంచి.. కిటికీ చెక్కను తుడిస్తే.. దుమ్ము వదిలి కొత్తవాటిలా మెరుస్తాయి.

సింక్

వంటగదిలో ఉండే సింక్ జిడ్డు పేరుకుపోయి ఉంటుంది. దానికి కెమికల్స్ తో నిండిన క్లీనింగ్ ప్రొడక్స్ వాడటం కంటే.. హోం రెమిడీస్ తెలుసుకోవడం మంచిది. రెండు నిమ్మ రెబ్బలు తీసుకుని.. సింక్ మొత్తం రసం పిండేయాలి. తర్వాత రాళ్ల ఉప్పు చల్లి... టూత్ బ్రష్ తో రుద్దుతూ.. గోరువెచ్చని నీటితో శుభ్రం చేస్తే సరి.

టాయిలెట్ సీట్

కొంతకాలం గడిచేసరికి టాయిలెట్ సీట్లు.. పాతవాటిలా మారిపోతాయి. అలాంటప్పుడు నిమ్మ రసాన్ని సీటంతా చిలకరించాలి. తర్వాత బేకింగ్ సోడా.. చల్లి.. దూదితో తుడిచేయాలి. సింపుల్ అండ్ ఈజీ చిట్కా అద్భుతంగా పనిచేస్తుంది.

పాత్రలకు

నాన్ వెజ్ వండినప్పుడు ఇంట్లో పాత్రలన్నీ కాస్త జిడ్డుగా.. కొంచెం స్మెల్ వస్తుంటాయి. కాబట్టి.. పాత్రలన్నీ కడిగేశాక.. నిమ్మరసం.. వెనిగర్ కలిపిన నీటితో.. పాత్రలను రుద్దాలి. తర్వాత.. గోరువెచ్చని నీటితో కడిగేసుకుంటే.. మరకలతోపాటు.. వాసన కూడా మాయమవుతుంది.

ఫ్లోర్ క్లీనింగ్

ఫ్లోర్ క్లీన్ చేసేటప్పుడు నిమ్మరసం వాడి చూడండి.. ఎంత మెరిసిపోతుందో. నిమ్మ రసాన్ని ఫ్లోర్ పై చల్లి.. తడి వస్త్రంతో తుడవండి. 10 నిమిషాల తర్వాత.. వెనిగర్, ఉప్పు కలిపిన నీళ్లతో శుభ్రం చేయండి. మీ ఇల్లు శుభ్రం చేసుకోవడానికి ఈ సింపుల్ అండ్.. ఈజీ టిప్స్ ఫాలో అవుతారు కదూ..