Mary Kom Birthday Special : బాక్సర్ గానే కాదు... ఆమెలో మరో టాలెండ్ కూడా... అదేంటంటే...

బాక్సింగ్ తో పాటు...

మేరీ కోమ్ బాక్సింగులో ఆరు సార్లు ప్రపంచ ఛాంపియన్ షిప్ సాధించినప్పటికీ, ఆమెలో మరో కోణం తెలిసి అందరూ షాకయ్యారట. ఇంతకీ బయటి ప్రపంచంలో అతి కొద్ది మందికే తెలిసిన ఆ టాలెంట్ ఏంటంటే.. ఆమె బాక్సింగ్ తో పాటు సింగింగ్ కూడా చేస్తుందట.

గోవాలో సింగర్ గా..

అయితే ఇటీవల గోవాలో జరిగిన ఓ వేడుకలో మేరీ కోమ్ తనలో ఉన్న సింగర్ టాలెంట్ ని బయట పెట్టారు. అది ప్రతి సంవత్సరం జరిగే గోవా ఫెస్ట్ లో ఆమె పాల్గొనడమే కాకుండా.. అద్భుతంగా పాటలు పాడి అందరినీ ఆశ్చర్యపరిచింది.

ఈ ఉత్సవంలో..

గోవాలో జరిగిన ఈ ఉత్సవానికి ప్రముఖ క్రికెటర్ వీరేంద్ర సెహ్వాగ్, మేరీకోమ్ తో పాటు బాలీవుడ్ ప్రముఖులు కల్కి, పంకజ్ త్రిపాఠిలను కూడా ముఖ్య అతిథులుగా ఆహ్వానించారు. ఈ సందర్భంగా మన మహిళా స్టార్ బాక్సర్ తనలో దాగున్న సింగర్ టాలెంట్ని ప్రపంచానికి తెలియజేశారు.

తొలిసారి కాదు...

స్టార్ బాక్సర్ అలా ఈవెంట్లలో పాడటం తొలిసారేమి కాదండోయ్.. అంతకుముందు కూడా ఓ ఈవెంట్లో ప్రముఖ గాయని లతా మంగేష్కర్ పాడిన ఓ క్లాసిక్ పాటని మేరీ కోమ్ పాడి ఆహూతులను అలరించారు. అలా ఆమె బాక్సింగులోనే కాదు... పాటలు పాడటంలో కూడా నెంబర్ 1 అని నిరూపించుకున్నారు.

తన ప్రేరణ...

తాను బాక్సింగ్ ఫీల్డ్ లోకి రావడానికి తనకు లెజెండరీ బాక్సర్ మహమ్మద్ అలీ ప్రేరణ అని మేరీ కోమ్ ఎప్పుడూ చెబుతూ ఉంటారు. అలాగే సినిమా నటులైన జాకీ చాన్, అక్షయ్ కుమార్ చిత్రాల్లో చేసిన యాక్షన్ స్టంట్స్ కూడా తనకు స్ఫూర్తిగా నిలిచాయని మేరీ కోమ్ చెప్పడం విశేషం.

అథ్లెట్ల గురించి...

మేరీ కోమ్ మహిళల కోసం ఓ ఈవెంట్ లో మహిళలను ఉద్దేశించి ఓ స్ఫూర్తిదాయక ప్రసంగం చేశారు. బాక్సింగులో మహిళలు రాణించాలంటే బాగా కష్టపడాలి అనే విషయాలను వివరంగా తెలిపారు. భవిష్యత్తులో భారత్ నుండి ఛాంపియన్లు రాకపోతే అది ప్రభుత్వం లేదా అసొసియేషన్స్ తప్పు కాదని, కేవలం అథ్లెట్ల తప్పు అని తేల్చి చెప్పారు.

రాజ్యసభ ఎంపీగా..

ఈమె బాక్సింగులో భారతదేశానికి తెచ్చిన పేరును ఎప్పటికీ మరువలేనిది. అందుకే భారత ప్రభుేత్వం ఈమె సేవలను గుర్తించి ఈమెకు రాజ్యసభ ఎంపీగా నేరుగా అవకాశం ఇచ్చింది.