For Quick Alerts
ALLOW NOTIFICATIONS  
For Daily Alerts

National Best Friends Day 2021: బెస్ట్ ఫ్రెండ్స్ డే ఎందుకు జరుపుకుంటారో తెలుసా...

|

ఈ లోకంలో అన్ని బంధాల కన్నా మిన్న స్నేహ బంధం. అన్నింటికంటే బలమైన బంధం కూడా స్నేహమే. అందుకే మనలో ఎవరికైనా కష్టం వస్తే.. బంధువుల దగ్గరకు వెళ్లడం కన్నా.. స్నేహితుని దగ్గరకు వెళితే.. అదీ బెస్ట్ ఫ్రెండ్ దగ్గరికెళితే కచ్చితంగా సాయం లభిస్తుందని చెబుతుంటారు.

అందుకే స్నేహం కంటే లోకాన ఏదీ గొప్పది కాదన్నాడో సినీ కవి. కష్టమైనా.. నష్టమైనా.. బాధలో అయినా.. సంతోషంలో అయినా ఎప్పుడూ మన వెంటే నీడలా ఉండే వాడే నిజమైన బెస్ట్ ఫ్రెండ్.

అలాంటి అపురూపమైన ఆత్మీయ బంధాన్ని జరుపుకోవడానికి ఓరోజు ఉందని తెలుసా... అది ఎప్పుడు? దాని చరిత్ర మరియు ప్రాముఖ్యత ఏంటనే విశేషాలను ఇప్పుడు తెలుసుకుందాం...

బెస్ట్ ఫ్రెండ్స్ డే..

బెస్ట్ ఫ్రెండ్స్ డే..

ప్రతి సంవత్సరం జూన్ ఎనిమిదో తేదీన యునైటెడ్ స్టేట్స్ అమెరికా(USA)లో నేషనల్ బెస్ట్ ఫ్రెండ్స్ డే జరుపుకుంటారు. ఈ లోకంలో ఉన్న ప్రతి ఒక్కరికీ ఎవరో ఒకరు బెస్ట్ ఫ్రెండ్ ఉంటారు. అలాంటి స్నేహితులను గౌరవించడానికి ఈరోజు జరుపుకుంటారు. మీరు ప్రతిరోజూ వారిని కలవలేకపోయినప్పటికీ, మీ సన్నిహితులు మీకు అవసరమైనప్పుడు వెన్నెముకగా నిలవడమే కాదు.. మీకు చాలా సందర్భాల్లో భరోసా ఇస్తుంటారు. ప్రస్తుతం కరోనా మహమ్మారి కారణంగా బెస్ట్ ఫ్రెండ్స్ ను చాలా మంది కలవలేకపోతున్నారు. ఈ నేపథ్యంలో ఆన్ లైన్ వేదికగా.. సోషల్ మీడియా ద్వారా మీ బెస్ట్ ఫ్రెండ్స్ కు విషెస్ మరియు ఫొటోలను పంపొచ్చు.

బెస్ట్ ఫ్రెండ్స్ డే చరిత్ర..

బెస్ట్ ఫ్రెండ్స్ డే చరిత్ర..

నేషనల్ బెస్ట్ ఫ్రెండ్స్ డే అమెరికాలో జాతీయ ఉత్తమ స్నేహితుల దినోత్సవంగా 1935వ సంవత్సరం నుండే ప్రారంభమైంది. యుఎస్ఎలో 1935లో కాంగ్రెస్ జూన్ 8వ తేదీన నేషనల్ బెస్ట్ ఫ్రెండ్స్ డేగా జరుపుకోవాలని నిర్ణయించింది. కాలక్రమేణా జాతీయ బెస్ట్ ఫ్రెండ్స్ డే కాస్త ప్రపంచవ్యాప్తంగా అనేక దేశాలకు విస్తరించింది. ఈ వేడుకలు అతి తక్కువ కాలంలోనే అత్యంత ఎక్కువగా ప్రాచుర్యం పొందాయి. అందుకే ప్రతి సంవత్సరం జూన్ 8వ తేదీని ప్రత్యేక దినోత్సవంగా జరుపుకుంటారు.

బెస్ట్ ఫ్రెండ్స్ డే ప్రాముఖ్యత..

బెస్ట్ ఫ్రెండ్స్ డే ప్రాముఖ్యత..

తమ స్నేహితుల పట్ల గౌరవం, అభిమానం చూపడానికి ఈ జాతీయ బెస్ట్ ఫ్రెండ్స్ డే జరుపుకుంటారు. సాధారణంగా స్నేహితులు మనకు చాలా సందర్భాల్లో కలుస్తూ ఉంటారు. అయితే ఆపదలో ఉన్నప్పుడే బెస్ట్ ఫ్రెండ్స్ వస్తుంటారు. భరోసా ఇస్తుంటారు. ఈ రోజున వారి బెస్ట్ ఫ్రెండ్స్ తో కేక్ కట్ చేయించడం లేదా ఏదైనా వెరైటీ గిఫ్ట్ ఇవ్వడం వంటివి చేస్తుంటారు.

బెస్ట్ ఫ్రెండ్స్ కోట్స్..

బెస్ట్ ఫ్రెండ్స్ కోట్స్..

* మన బెస్ట్ ఫ్రెండ్స్ మనం ఎలా ఉన్నా పట్టించుకోరు.. మన దగ్గర అది ఉందా(వైన్ బాటిల్) లేదా అనేదే చూస్తారు.

* బెస్ట్ ఫ్రెండ్స్ మన లైఫ్ లోకి వచ్చాకే మనం అల్లరి పనులు చేయడం మొదలుపెడతాం.

* స్నేహితుల కోసం వెతకడం మొదలు పెడితే ఎవ్వరూ మనకు కనిపించరు. మనమే స్నేహితుడిగా మారితే అందరూ మనతో స్నేహం చేస్తారు.

*స్నేహాన్ని నిర్వచించడం మరియు వివరించడం అనేది చాలా కష్టతరమైన విషయం. ఎందుకంటే ఇది స్కూల్ లో నేర్చుకునే విషయం కాదు. మీరు స్నేహం యొక్క అర్థాన్ని నేర్చుకోలేకపోతే, మీరు ఏమీ నేర్చుకోలేరు.

* స్నేహం ప్రేమ కన్నా గొప్పది. స్నేహంలో ఎప్పుడూ షేర్ చేసుకోవడం తప్ప ఇంకొకటి తెలియదు.

* మీ స్నేహితులు మీ కష్టాలను దూరం చేయకపోవచ్చు కానీ.. కష్ట కాలంలో మాత్రం మేమున్నామని భరోసానిస్తారు.

English summary

National Best Friends Day 2021: Know The History And Significance in Telugu

Here we are talking about the national best friends day 2021: Know the history and significance in Telugu. Read on
Story first published: Tuesday, June 8, 2021, 14:39 [IST]