దానం మంచిదే.. కానీ వీటిని దానం చేసేటప్పుడు జాగ్రత్తలు పాటించకపోతే కష్టాలు తప్పవు

దానం ఎలా చేయాలి:

దానం అంటే మన వద్ద ఉన్నదానిని లేని వారికి అందివ్వడం. అయితే దానం ఎప్పుడూ నిస్వార్థంగా ఉండాలి. ఆనందమైన స్థితిలో దానం చేయాలి. నవ్వుతూ దానం చేయాలి. స్వార్థంతో, వేరే లక్ష్యంతో, ఉద్దేశంతో దానం చేయకూడదు. ఇలా దానం చేయడం వల్ల పుణ్యం మాత్రమే కాదు, ఆశీస్సులూ వస్తాయి.

వస్తువులైన, ఆహారపదార్థాలైనా, డబ్బు అయినా చేతితో విరాళంగా అందించాలి. అంతే కానీ విసిరివేయడం, పడేయడం లాంటివి చేయకూడదు. అలా చేయడం వల్ల దానం చేస్తే రావాల్సిన పుణ్యం రాదు. అలాగే దానం నుండి పొందాల్సిన ప్రయోజనాలు అందవు.

ఎలాంటి వస్తువులను దానం చేయకూడదు:

చీపురు:

హిందూ విశ్వాసాల ప్రకారం చీపురు అంటే లక్ష్మీ దేవి. చీపురును లక్ష్మీ దేవితో పోలుస్తారు. అలాంటి చీపురుని ఎట్టిపరిస్థితుల్లో దానం చేయకూడదు. చీపురును దానం చేయడం వల్ల ఆర్థిక సమస్యలు ఎదురవుతాయి. ఆర్థిక సమస్యల వల్ల ఇంట్లో కలహాలూ మొదలవుతాయి. అలాగే చీపురు కొనేందుకు అప్పు కూడా ఇవ్వకూడదని శాస్త్రాలు చెబుతున్నాయి.

వంటింటి పాత్రలు:

వంటింటి పాత్రలు దానం చేయకూడదు. స్టీల్, గాజు, అల్యూమినియం, సెరామిక్ పాత్రలు దానం చేయవద్దని శాస్త్రాలు చెబుతున్నాయి. వంటింటి పాత్రలు దానం చేయడం వల్ల ఆర్థిక సమస్యలతో పాటు కుటుంబ సమస్యలు వస్తాయి. ఉద్యోగంలో ఒత్తిడి ఎదుర్కొంటారు. వ్యాపారం సరిగ్గా సాగదు. నష్టాలు చవిచూడాల్సి వస్తుంది.

అలాగే ఇత్తడి, వెండి, రాగి పాత్రలు దానం చేయడం వల్ల మంచి జరుగుతుందని శాస్త్రాలు చెబుతున్నాయి.

పాడైన ఆహార పదార్థాలు:

దానం చేయడం మంచిదే. కానీ పాడైన వస్తువులు, చెడిపోయిన ఆహారపదార్థాలను ఎట్టిపరిస్థితుల్లోనూ దానం చేయవద్దు. పాడైపోయిన ఆహార పదార్థాలు దానం చేయడం వల్ల కుటుంబసభ్యులు ఆరోగ్య సమస్యలు ఎదుర్కొంటారు.

నూనె:

నువ్వులు, ఆవాల నూనె దానం చేయడం వల్ల మంచి జరుగుతుంది. నువ్వుల నూనె దానం చేస్తే శని దేవుడు సంతోషిస్తాడని శాస్త్రాలు చెబుతున్నాయి. అయితే నూనె దానం చేసేటప్పుడు అది వాడకూడనిది అయి ఉండాలి. వాడిన నూనెను ఎట్టిపరిస్థితుల్లో దానం చేయకూడదని పురాణాలు చెబుతున్నాయి.