బిర్యానీ తిని చనిపోయిన కేరళ యువతి, ఆన్‌లైన్‌లో ఆర్డర్ చేసే ముందు ఈ జాగ్రత్తలు పాటించకపోతే ప్రమాదమే!

ఆన్‌లైన్‌లో ఫుడ్ ఆర్డర్ చేయడానికి ఎలాంటి జాగ్రత్తలు తీసుకోవాలి:

(image: Smarther)

ఆన్‌లైన్‌ అయినా ఆఫ్‌లైన్‌ అయినా నాణ్యత ముఖ్యం. నాణ్యత మెయింటైన్ చేసే హోటళ్లు, రెస్టారెంట్లకు మాత్రమే వెళ్లాలి. అలాంటి రెస్టారెంట్ల నుండి మాత్రమే ఫుడ్ ఆర్డర్ చేయాలని నిపుణులు సూచిస్తున్నారు. వాటితో వీటిని పరిశీలించాలి.

లేబులింగ్:

మీరు ఏ రెస్టారెంట్ నుండి ఫుడ్ ఆర్డర్ చేయాలనుకుంటున్నారో ఆ రెస్టారెంట్, హోటల్ యొక్క లేబులింగ్ తనిఖీ చేయాలి. పోషక సమాచారం, పదార్థాల జాబితా సహా మొత్తం లేబుల్‌ని చూడాలి. లేబుల్‌ను సరిగ్గా చూడటం వల్ల ఆ ఫుడ్‌కు సంబంధించి చాలా విషయాలు తెలుసుకోవచ్చు.

లేబుల్‌పై ఇతర ఆధారాల కోసం చూడవచ్చు. పదార్థాల గురించి తప్పుగా పేర్కొంటే దాని వల్ల సమస్య రావొచ్చని గుర్తించొచ్చు. ప్రాసెసింగ్ అనేది క్యాన్డ్స్, బాటిల్ ఫుడ్‌లను షెల్ఫ్ స్టేబుల్‌గా మార్చే ముఖ్యమైన దశ. తెరిచిన తర్వాత ఫ్రిజ్‌లో ఉంచొచ్చో లేదో లేబుల్ చూసి తెలుసుకోవచ్చు. అలాగే ప్యాకేజీపై ఎక్స్‌పైరీ తేదీ ఉందో లేదో తెలుసుకోవాలి.

వెబ్‌సైట్‌, విశ్వసనీయత:

(image: Enuke Software)

కొత్త తరహా ఆహార పదార్థాలను, సోషల్ మీడియాలో కనిపించిన పదార్థాన్ని తినాలని ప్రతి ఒక్కరికీ ఉంటుంది. అయితే ఆర్డర్‌ చేసే ముందు వెబ్‌సైట్ లేదా రెస్టారెంట్ క్రెడిబిలిటీ తనిఖీ చేసుకోవాలి.

రెస్టారెంట్, హోటల్ హిస్టరీ:

(image: RestroApp)

మీరు ఆర్డర్ చేయాలనుకుంటున్న రెస్టారెంట్ ఎంతకాలం నుండి ఉంది, వారు ఏ ఇతర ఉత్పత్తులను విక్రయిస్తారో తెలుసుకోవాలి. వాటి ద్వారా నమ్మకం కుదిరితేనే ఆర్డర్ చేయాలి.

ఆన్‌లైన్‌ రివ్యూలు చదవాలి:

(image: Dreamstime.com)

ఆహార పదార్థమైనా, వస్తువైనా, ఎలక్ట్రానిక్ గాడ్జెట్ అయినా కొనేముందు ఆన్‌లైన్‌ రివ్యూలు చదవడం అలవాటు చేసుకోవాలి. దాని గురించి నిజానిజాలు ఆ రివ్యూల్లో కనిపిస్తాయి. వాటి ద్వారా ఒక అంచనాకు రావొచ్చు.

ప్యాకేజింగ్ నాణ్యత:

ప్యాకేజీ నాణ్యంగా ఉంటేనే అందులోని ఆహార పదార్థాలు చెడిపోకుండా, కలుషితం కాకుండా, లీకేజీ లేకుండా ఉంటాయి. మంచి ప్యాకేజింగ్ లేని రెస్టారెంట్లు, హోటళ్ల నుండి ఫుడ్ ఆర్డర్ చేయకపోవడమే ఉత్తమం.

ఆన్‌లైన్‌తో పాటు బయట ఆహారాలు తినే ముందు కొన్ని జాగ్రత్తలు పాటించాలని వైద్యులు సూచిస్తున్నారు. శుచీ శుభ్రత ఉన్న బండ్ల వద్ద మాత్రమే స్ట్రీట్ ఫుడ్స్ తినాలని సూచిస్తున్నారు. వాడిన నూనెను పదే పదే వాడే వారి దగ్గరికి వెళ్లకపోవడం మంచిది. ఆహారం, నీరు కలుషితం కాలేవని తినే ముందు నిర్ధారించుకోవాలి. చేతులకు గ్లౌజులు, వెంట్రుకలు పడకుండా బూఫంట్ క్యాపులు, మూతికి మాస్కులు ధరించారని నిర్ధారించుకోవాలి.