మీ ముఖంపై ఉన్న మచ్చ అదృష్టమా ? దురదృష్టమా ?

నుదటిపై

నుదుటిపై మీకు మచ్చలున్నాయా ? అయితే చిన్నప్పటి నుంచి మీది తిరుగుబాటు ధోరణి. చాలా క్రియేటివిటి, తెలివైన వ్యక్తులుగా ఉంటారు. అలాగే మీ లోపల కళాత్మక నైపుణ్యం దాగుంటుంది. మీరు స్వంతంగా వ్యాపారం చేసే సత్తా అదృష్టం కలిగి ఉంటారు.

కనుబొమ్మల మధ్యలో

కనుబొమ్మల మధ్యలో అంటే.. బొట్టు పెట్టుకునే ప్రాంతంలో పుట్టుమచ్చ ఉంటే.. మీరు ఇంపల్సివ్ పర్సన్. మీరు పగను ఈజీగా మర్చిపోతారు. కానీ.. వాదించుకునేటప్పుడు మాత్రం అస్సలు వెనక్కి తగ్గరు.

ఎడమ, కుడి కనుబొమ్మకి పైన

ఎడమ, కుడి ఏ కనుబొమ్మకి పైన మచ్చ ఉన్నా.. మీరు చాలా అదృష్టవంతులు. మీ జీవితాంతం అదృష్టం కలిగి ఉంటారు. అయితే.. మీరు మీ ప్రవృత్తులు ఫాలో అయితేనే.. బాగా కలిసొస్తుంది. అలాగే తొందరగా స్నేహితులు, బంధువులను నమ్మడం వల్ల ఇబ్బందులు పడాల్సి వస్తుంది. కాబట్టి జాగ్రత్తగా ఉండాలి.

కనుబొమ్మలకి కింద వైపు

కనుబొమ్మలకి కింద వైపు మచ్చ ఉంటే.. మీరు చాలా తెలివైన, సత్తా ఉన్న వ్యక్తులు. మీ తెలివితో ఏదైనా సాధించగలుగుతారు. జీవితంలో మంచి గుర్తింపు సంపాదిస్తారు.

ముక్కుకి మధ్య భాగంలో

ముక్కుపైన మధ్యలో మచ్చలో ఉంటే.. మీరు ఆర్థిక పరిస్థితి చాలా ఆందోళనకరంగా ఉంటుంది. ఎందుకంటే.. మీరు ఎక్కువగా ఖర్చు చేస్తుంటారు. అలాగే గ్యాంబ్లింగ్ వంటి వాటిల్లో ఆసక్తి ఉంటుంది.

ముక్కు చివర

ముక్కు చివరి భాగంలో మచ్చ ఉందంటే.. మీకు లైంగిక సమస్యలు ఉంటాయి. మానసిక ఒత్తిడి, ఇబ్బందులు, సమస్యలు ఎక్కువగా ఉంటాయి.

ముక్కు, పై పెదవికి మధ్యలో

ముక్కుకి, పై పెదవికి మధ్యలో మచ్చ ఉంటే.. మిమ్మల్ని అదృష్టం వరించినట్టే. అలాగే మీకు పిల్లలు, మనవళ్లు, మనవాళ్లు ఎక్కువమంది ఉంటారు.

ముక్కుకి ఎడమ వైపుగానీ, కుడివైపు గానీ

ముక్కుకి ఎడమ వైపుగానీ, కుడివైపు గానీ మచ్చ ఉంటే మంచిది కాదు. ఎందుకంటే.. అనారోగ్యంతో చనిపోతారు. తరచుగా అనారోగ్యం, రోగనిరోధక శక్తి తగ్గడం, జ్వరం, జలుబు, అలర్జీలు ఎక్కువగా వేధిస్తుంటాయి.

నోటికి కుడివైపు గానీ, ఎడమ వైపు గానీ

అంటే పెదాల చివర్లలో ఎటు వైపు ఉన్నా.. మీకు సక్సెస్ వరించినట్టే. మీరు చాలా రిచ్, ఫేమస్ పర్సన్ అయ్యే అవకాశాలు ఎక్కువ. ఇలాంటి మచ్చ ఉన్న అమ్మాయిలు చాలా అందంగా ఉంటారు. వీళ్లు చాలా అదృష్టవంతులు. అలాగే ఫ్యాషనబుల్ గా ఉంటారు.

కంటికి కింద భాగంలో

కంటికి కిందవైపు ఆనుకుని ఎడమవైపు కంటికి గానీ, కుడివైపు కంటికి గానీ మచ్చ ఉంటే.. వాళ్లు చాలా ఓర్పు, సహనం కలిగి ఉంటారు. పిల్లల విషయంలో చాలా ఓర్పుగా ఉంటారు.

గడ్డంపై

గడ్డంపై మచ్చ ఉంటే... చాలా ఎక్కువగా తింటారని అర్థం. అలాగే.. ఆహారమే వీళ్ల బలహీనత.

గడ్డం చివరి భాగంలో

గడ్డం చివరి భాగంలో మచ్చ ఉంటే.. ఏ పని చేసినా చాలా పర్ఫెక్ట్ గా చేస్తారు. జీవితంలో ప్రతి అంశాన్ని ఎంజాయ్ చేస్తారు. మీ జీవితంలో కొత్తదనాన్ని కోరుకుంటారు.

పెదవిపై

కింది పెదవిపై మచ్చ ఉంటే.. మీకు పొట్ట పెద్ద ప్రాబ్లమ్. అంటే.. బెల్లీ ఫ్యాట్ చాలా ఎక్కువగా ఉంటుంది. బరువు తగ్గడమే మీ కలగా ఉంటుంది.

నుదుటికి ఎడమ లేదా కుడివైపు

నుదుటి భాగంలో ఎడమ వైపు గానీ, కుడి వైపు గానీ మచ్చ ఉంటే.. మీరు మీ ఉద్యోగంలో భాగంగా.. ప్రయాణాలు చేయాల్సి ఉంటుంది. మ్యాథ్స్, సైన్స్ లో మీకుండే పట్టు మిమ్మల్ని.. విజయంవైపు తీసుకెళ్తాయి.

చెవి దగ్గర

ఎడమ చెవి దగ్గర గానీ, కుడి చెవి దగ్గర గానీ పుట్టు మచ్చ ఉంది అంటే.. మీరు చాలా స్మార్ట్ అని అర్థం. అలాగే.. మీ బ్రెయిన్ చాలా పవర్ ఫుల్ గా ఉంటుంది.

బుగ్గలపై

బుగ్గలపై అంటే ఎడమ లేదా కుడి బుగ్గ ఎటువైపు మచ్చ ఉన్నా.. మీరు ఖచ్చితంగా వ్యాపారవేత్త అవుతారు. ఉద్యోగిగా మీరు ఎప్పటికీ సంతృప్తి చెందరు. కాబట్టి వ్యాపారవేత్త అవుతారు.