Kanya Rasi Ugadi Rasi Phalalu 2022 'శుభకృత'ఏడాదిలో కన్య రాశి వారి జాతకం ఎలా ఉంటుందంటే..!

ఆదాయం-11, వ్యయం-05

ఈ రాశి వారికి తెలుగు నూతన సంవత్సరంలో ఆదాయ పరంగా అద్భుతంగా ఉంటుంది. ఖర్చులు కూడా చాలా తక్కువగా ఉంటాయి. ఈ కాలంలో మీరు చాలా డబ్బు ఆదా చేసే అవకాశం ఉంది. ఉత్తర నక్షత్రం 2,3,4 నాలుగు పాదాలు లేదా హస్త నక్షత్రం 1,2,3,4 నాలుగు పాదాలు, లేదా చిత్త నక్షత్రం 1, 2 పాదాల్లో అంటే మొత్తం తొమ్మిది స్థానాలు ఉంటాయి.

రాజపూజ్యం-4, అవమానం-09

ఈ ‘శుభకృత' నామ సంవత్సరంలో కీర్తి, ప్రతిష్టలు, గౌరవం కన్నా అవమానాలు ఎక్కువగా వచ్చే అవకాశం ఉంది. మీనరాశిలో గురు సంచారం చేయడం వల్ల తెలుగు నూతన సంవత్సరంలో ఈ రాశి వారికి శుభ ఫలితాలు రానున్నాయి. విద్యార్థులు విద్యలో రాణిస్తారు. ఉద్యోగులు ప్రమోషన్ గురించి శుభవార్తలు వింటారు. అవివాహితులకు మంచి వివాహ సంబంధం వచ్చే అవకాశం ఉంది. ఈ సంవత్సరం రవి, కుజుడు, శుక్రుడు, చంద్ర గ్రహాల సంచారం వల్ల విశేష ఫలితాలను పొందే అవకాశం ఉంది. మీరు ఈ కాలంలో శుభకార్యాల్లో పాల్గొంటారు.

శని గ్రహ ప్రభావంతో..

ఈ రాశి వారికి శని గ్రహ ప్రభావంతో మిశ్రమ ఫలితాలు ఏర్పడతాయి. ఆర్థిక పరంగా కొన్ని సమస్యలను ఎదుర్కొంటారు. అయితే 2023 సంవత్సరంలో జనవరి 17 తర్వాత ఆర్థిక సమస్యల నుండి బయటపడే అవకాశాలు ఎక్కువగా ఉన్నాయి. అదే సమయంలో ఆరోగ్య సమస్యల నుండి ఉపశమం లభిస్తుంది. మీరు శత్రువులపై కూడా విజయం సాధిస్తారు.

రాహు ప్రభావంతో..

రాహువు అష్టమ భాగంలో సంచారం చేయడం వల్ల

తెలుగు నూతన సంవత్సరంలో ఈ రాశి వారికి కొన్ని ఆసక్తికర కార్యక్రమాల్లో పాల్గొంటారు. అయితే అత్యాశ కారణంగా మీరు నష్టపోయే అవకాశం ఎక్కువగా ఉంది.మరోవైపు ఈ సంవత్సరంలో పాము, తేలు వంటి వాటి వల్ల కొన్ని ప్రమాదాలు జరగొచ్చు. కాబట్టి చాలా జాగ్రత్తగా ఉండాలి. మీకు జూదం ఆడే అలవాటు ఉంటే, చాలా నష్టపోవాల్సి ఉంటుంది.

కేతు ప్రభావం వల్ల..

ఈ కాలంలో తులరాశిలో కేతువు సంచారం చేయడం వల్ల ఈ రాశి వారికి ప్రతికూల ఫలితాలు ఏర్పడొచ్చు. మీ బంధుమిత్రులతో ఆర్థిక పరమైన విషయాల్లో విభేదాలు రావొచ్చు. వ్యాపారులు తరచుగా నష్టపోయే అవకాశం వస్తుంది. ఇదంతా ఇతరులపై ఆధారపడటం వల్లే జరగొచ్చు.

పరిహారాలివే..

ఈ సంవత్సరంలో గ్రహాల అనుగ్రహం పొందేందుకు నిరంతరం వినాయకుని ఆరాధన చేయాలి. మరకత గణపతికి లేదా శ్వేతార్చన గణపతికి లేదా చిత్తూరు జిల్లాలోని కాణిపాకంలో వెలసిన స్వయంభు వినాయక దేవాలయానికి వెళ్లి దర్శించుకోవడం వల్ల మీరు కేతు ప్రభావాల నుండి బయటపడొచ్చు. రాహువు అనుగ్రహం పొందడానికి విజయవాడలోని కనకదుర్గమ్మ వారి ఆలయానికి వెళ్లి కుంకుమార్చన చేయాలి. అలా కుదరని వారు దగ్గర్లోని అమ్మవారి ఆలయానికి వెళ్లి నిత్యం కుంకుమ పూజలు చేయాలి.ఈ పరిహారాలు పాటించడం వల్ల మీకు తప్పకుండా శుభ ఫలితాలు కలుగుతాయని పండితులు చెబుతున్నారు.