Karkataka Rasi Ugadi Rasi Phalalu 2022:'శుభకృత'ఏడాదిలో కర్కాటక రాశి వారి జాతకం ఎలా ఉంటుందంటే...

ఆదాయం-05, వ్యయం-05

‘శుభకృత' నామ సంవత్సరంలో కర్కాటక రాశి వారికి ఆర్థిక పరంగా మిశ్రమ ఫలితాలొస్తాయి. ఈ రాశి వారికి గురు గ్రహం అనుగ్రహం వల్ల కొత్త ఏడాదిలో ఆశించిన ఫలితాలొస్తాయి. రాజకీయాల్లో ఉండే వారికి మంచి పదవులు రావొచ్చు. మీకు ఆర్థిక రుణాల నుండి విముక్తి లభిస్తుంది. పునర్వసు నక్షత్రం 4వ పాదం లేదా పుష్యమీ నక్షత్రం 1,2,3,4 లేదా అశ్లేషా నక్షత్రం 1, 2,3,4 పాదాలలో ఉంటుంది. విద్యారంగంలో ఉండే వారి శుభ ఫలితాలొస్తాయి.

రాజపూజ్యం-09, అవమానం-02

కర్కాటక రాశి వారికి కొత్త ఏడాదిలో శని గ్రహం వల్ల ప్రతికూల ఫలితాలు రావొచ్చు. అనుకున్న సమయానికి పనులు జరగకపోవచ్చు. చాలా పనులు పెండింగులో పడిపోవచ్చు. మీరు కొంత సొమ్ము నష్టపోయే అవకాశం ఉంది.

రాహు ప్రభావం వల్ల..

రాహువు దశమ భాగంలో సంచారం చేయడం వల్ల విదేశాల్లో ఉద్యోగం చేసే వారికి, అధికారుల నుండి మద్దతు లభిస్తుంది. రవి, కుజ, గురు, బుధ, శుక్ర సంచారాల వల్ల మంచి ఫలితాలొస్తాయి. భూ సంబంధిత, వ్యాపారంలో మంచి లాభాలు రావొచ్చు.

కేతు ప్రభావంతో..

తెలుగు నూతన సంవత్సరంలో కేతువు ప్రభావం కారణంగా, మీరు తొందరపాటు నిర్ణయాలు తీసుకోవచ్చు. దీని వల్ల మీరు కొన్ని ఇబ్బందులు ఎదుర్కొంటారు. కాబట్టి ముఖ్యమైన నిర్ణయాలు తీసుకునేటప్పుడు చాలా జాగ్రత్తగా ఉండాలి.

నిరుద్యోగులకు అనుకూలం..

తెలుగు సంవత్సరం కొత్త ఏడాది ప్రారంభంలో కర్కాటక రాశి వారికి అనుకూలంగా ఉంటుంది. ఆర్థిక పరంగా సాధారణంగా ఉంటుంది. నిరుద్యోగులు ఉద్యోగాన్వేషణ చేయుటకు అనుకూలంగా ఉంటుంది. తొలి మూడు నెలలు ఆదాయం విషయంలో ఎలాంటి ఇబ్బందీ ఉండదు. అయితే ఆ తర్వాత ఆర్థిక పరంగా కొన్ని ఖర్చులు పెరుగుతాయి.

'శుభకృత' ఏడాదిలో కర్కాటక రాశి వారి జాతకం ఎలా ఉంటుందంటే...

కర్కాటక రాశి వారు శని ప్రతికూల ఫలితాలు తొలగిపోయి, శని అనుగ్రహాన్ని అనుకూలంగా మలచుకోవడానికి మహారాష్ట్రలోని శని సింగ్నాపూరానికి లేదా తమిళనాడులోని తిరునల్లార్ లోని పరమేశ్వరుని ఆలయానికి వెళ్లి ప్రత్యేక పూజాలు చేయాలి. అప్పుడు మీకు కొంత మనశ్శాంతి కలుగుతుంది. కేతు ప్రభావాన్ని తగ్గించుకోవడానికి నిత్యం వినాయకుడిని పూజించాలి. ధూప, దీప నైవేద్యాలతో ఆరాధించడం వల్ల శుభ ఫలితాలొస్తాయని పండితులు చెబుతున్నారు.