Meena Rasi Ugadi Rasi Phalalu 2022:'శుభకృత'ఏడాదిలో మీన రాశి వారి జాతకం ఎలా ఉంటుందంటే...!

ఆదాయం-2, వ్యయం-8

ఈ రాశి వారికి తెలుగు నూతన సంవత్సరంలో ఆదాయం గోరంత ఉంటే.. ఖర్చులు మాత్రం కొండంత ఉంటాయి. కాబట్టి మీరు డబ్బు విషయంలో ఈ ఏడాది కాలంలో చాలా జాగ్రత్తగా ఉండాలి. పూర్వాభాద్ర నక్షత్రం నాలుగో పాదం, ఉత్తరాభాద్ర నక్షత్రం 1,2,3,4 నాలుగు పాదాలు, రేవతి నక్షత్రం 1, 2,3,4 నాలుగు పాదాలు, మొత్తం 9 నక్షత్ర పాదాలుంటాయి.

రాజపూజ్యం-1, అవమానం-7

ఈ ‘శుభకృత్' నామ సంవత్సరంలో ఈ రాశి వారికి సమాజంలో గౌరవం కంటే అవమనాలే ఎక్కువగా ఎదురవుతాయి. అయితే గురు గ్రహం ప్రభావం వల్ల తెలుగు నూతన సంవత్సరంలో శుభప్రదమైన ఫలితాలొస్తాయి. నిరుద్యోగులకు కోరుకున్న ఉద్యోగావకాశాలు లభిస్తాయి. విద్యార్థులకు సువర్ణావకాశాలు వస్తాయి. మీరు కుటుంబ గౌరవాన్ని పొందుతారు.

శని ప్రభావంతో..

ఈ రాశి వారిలో శని గ్రహం ప్రభావం వల్ల ఆర్థిక పరంగా ఊహించిన ఫలితాలొస్తాయి. మీరు కోరుకున్నంత ధనం మీకు లభిస్తుంది. ఆరోగ్య పరంగా సానుకూలంగా ఉంటుంది. మీ వైవాహిక జీవితాన్ని సంతోషంగా గడుపుతారు. మీరు భూ సంబంధిత ఆస్తులను సంపాదిస్తారు. ఇదిలా ఉండగా.. 18 జనవరి 2023 నుండి మీన రాశి వారికి ఏడున్నర సంవత్సరాల ఏలినాటి శని ప్రారంభమవుతుంది. ఈ సమయం నుండి మీకు వ్యతిరేక ఫలితాలు ఏర్పడతాయి. మీ నిర్ణయాల వల్ల మీరు ఆరోగ్య పరంగా, ఆర్థిక పరంగా అనేక సమస్యలను ఎదుర్కొంటారు.

రాహువు ప్రభావం వల్ల..

ఈ సంవత్సరం రవి, కుజుడు, బుధుడు, శుక్రుడు, చంద్ర గ్రహాలు తమ స్థానాలను మారడం వల్ల ఈ రాశి వారికి శుభ ఫలితాలు ఏర్పడే అవకాశం ఉంది. ముఖ్యంగా మాంసం, చేపల వ్యాపారం చేసే వారికి ఊహించిన లాభాలు రావొచ్చు. మరోవైపు కొత్తగా పెళ్లి చేసుకున్న వారు తమ వివాహ జీవితంలో కొన్ని సమస్యలను ఎదుర్కొంటారు. ఎంత డబ్బు సంపాదించినా.. చాలా వేగంగా ఖర్చు చేస్తుంటారు. మీ ఆలోచనా విధానం వల్ల కూడా నష్టపోతారు.

కేతు ప్రభావం వల్ల..

ఈ రాశి వారికి ఈ ఏడాది కేతు ప్రభావం వల్ల శారీరక పరంగా కొంత ఇబ్బంది కలుగుతుంది. మీకు గురువులు, స్నేహితులు, సొంత మనుషుల నుండి కొన్ని ఇబ్బందులు ఎదురవుతాయి. ఇతరులపై మీకు మోజు పెరుగుతుంది. ఈ రాశి గురువు ప్రభావం వల్ల, శని దశ ప్రారంభమయ్యేంత వరకు మంచి ఫలితాలను పొందుతారు. ఆ తర్వాత మీకు ప్రతికూల ఫలితాలు రావొచ్చు.

పరిహారాలివే..

మకర రాశి వారికి ఈ ఏడాది ఏలి నాటి శని దశ కొనసాగుతోంది కాబట్టి.. పరిహారం కోసం తమిళనాడులోని తిరునల్వార్ వెళ్లి శనీశ్వరుని ఆలయానికి వెళ్లి దర్శనం చేసుకోవాలి లేదా మహారాష్ట్రలోని శనిసింగ్నాపురానికి వెళ్లి అభిషేకం నిర్వహించాలి. అదే విధంగా శ్రీకాళహస్తిలో రాహు, కేతు పూజలు జరిపించాలి. అలా వెళ్లడానికి కుదరని వారు నిత్యం గణపతిని ఆరాధన చేస్తూ.. కనకదుర్గ ఆలయానికి వెళ్లి మంగళవారం, శనివారం రోజున కుంకుమ పూజలు చేయాలి. ఇలా చేయడం వల్ల మీకు శుభప్రదమైన ఫలితాలు వచ్చే అవకాశం ఉంది.