Planet Transit in February 2022:ఫిబ్రవరిలో మూడు గ్రహాల రవాణా.. ఎప్పుడెప్పుడంటే...

ఫిబ్రవరి 4న..

జ్యోతిష్యశాస్త్రం ప్రకారం, ఫిబ్రవరి ప్రారంభంలోనే నాలుగో తేదీన అంటే శుక్రవారం రోజున బుధుడు తిరోగమన దిశలో ప్రయాణించనున్నాడు. ఆ తర్వాతే నేరుగా సంచారం చేయడం ప్రారంభమవుతుంది. బుధుడు ఇలా తిరోగమనం చెందడం వల్ల ద్వాదశ రాశుల వారికి సానుకూల ఫలితాలు వచ్చే అవకాశం ఉంది. ముఖ్యంగా వ్యాపారులు మంచి లాభాలను పొందొచ్చు. అదే సమయంలో బుధ గ్రహం మార్పు వల్ల రాశిచక్రాల వ్యక్తుల యొక్క మేధస్సు, ఆలోచనా శక్తి పెరిగే అవకాశాలు ఎక్కువగా ఉన్నాయి.

ఫిబ్రవరి 13న..

సూర్యుడు గత నెలలో అంటే జనవరి 14వ తేదీన మకర సంక్రాంతి వేళ మకరంలోకి ప్రవేశించాడు. ప్రస్తుతం సూర్యుడు ఇదే రాశిలో సంచారం చేస్తున్నాడు. సరిగ్గా నెల రోజుల తర్వాత అంటే ఫిబ్రవరి 13వ తేదీ ఆదివారం రోజున సూర్యుడు మకరరాశిని వదిలి కుంభరాశిలోకి అడుగుపెట్టనున్నాడు. ఇదే రాశిలో సూర్యుడు ఒక నెల రోజుల వరకు నివాసం ఉండనున్నాడు. ఆ తర్వాత మీన రాశిలోకి మారనున్నాడు. ఇలా సూర్యుడు తన స్థానం నుండి మరో స్థానంలోకి మారినప్పుడు రాశిచక్రాల జీవితాలపై ప్రభావం పడుతుంది.

ఫిబ్రవరి 26న..

సూర్యుడి తర్వాత అంగారకుడు(కుజుడు) తన స్థానాన్ని మారనున్నాడు. ఫిబ్రవరి 26వ తేదీన కుజుడు శనివారం రోజున ధనస్సు రాశి నుండి మకరరాశిలోకి సంచారం చేయనున్నాడు. ఇలా కుజుడు రవాణా చేసే సమయంలో మొత్తం ద్వాదశ రాశులపై కచ్చితంగా ప్రభావం పడుతుంది.

ఫిబ్రవరి 27న..

జ్యోతిష్యశాస్త్రం ప్రకారం, సంతోషం మరియు విలాసవంతమైన జీవితానికి ప్రతీకగా భావిస్తారు. ఫిబ్రవరి మాసం ప్రారంభంలో శుక్రుడు ధనస్సులో నివాసం ఉంటాడు. అయితే ఫిబ్రవరి 27వ తేదీన అంటే ఆదివారం నాడు శుక్రుడు ధనస్సు రాశిని వదిలి మకర రాశిలోకి సంచారం చేయనున్నాడు. ఈ సమయంలో ద్వాదశ రాశుల వారి జీవితంలో సంతోషం, ఐశ్వర్యం పెరుగుతాయి. దీంతో మీ భౌతిక సంతోషం పెరుగుతుంది.

గమనిక : ఇక్కడ అందించిన సమాచారం కొందరు జ్యోతిష్య నిపుణులు అన్నివర్గాల వారిని ద్రుష్టిలో ఉంచుకుని ఇచ్చారు. మీకు పూర్తి వివరాలు కావాలంటే వ్యక్తిగత జ్యోతిష్యులను సంప్రదించగలరు. ఇక్కడ ఇవ్వబడిన గ్రహాల వివరాలు కేవలం ఊహాజనితం మాత్రమే. ఇక్కడున్న వివరాలకు బోల్డ్ స్కై తెలుగుకు ఎలాంటి సంబంధం లేదని గమనించగలరు.