నిగ్గదీసి అడగండి.. అవినీతిని అట్టడుగుకు తొక్కి పడేయండి...

పారదర్శకతతో వేగంగా పనులు..

PC : Twitter

ఏ దేశంలో అయినా పారదర్శకత(ట్రాన్స్ పరెన్సీ)తోనే సామాజిక మరియు ఆర్థిక అభివృద్ధికి ఆటంకం అనేది ఉండదు. అవినీతి ఉన్నచోట అభివృద్ధి అనేది కుంటుపడుతుంది. అందుకే అవినీతిపరులపై చర్యలు తీసుకోవడానికి మరియు అవినీతికి వ్యతిరేకంగా పారదర్శకత కోసం పోరాడాల్సిన అవసరం ఎంతైనా ఉంది.

అవినీతితో ప్రమాదం..

మన దేశమే కాకుండా ప్రపంచంలో ఏర్పాటైన ప్రభుత్వాలు అన్నీ డబ్బును ఖర్చు చేయడానికి పెద్ద మొత్తంలో ప్రజా ధనాన్ని కలిగి ఉంటాయి. ఇది తీవ్రమైన అవినీతి ప్రమాదాన్ని కలిగి స్తుంది. అందుకే ప్రభుత్వ వ్యయంపై ఎప్పటికప్పుడు ప్రతి ఒక్కరూ నిఘా ఉంచాలి. ప్రజల నుండి ఎన్ని పన్నులు వస్తున్నాయి.. ప్రభుత్వాలు ఎంత ఖర్చు చేస్తున్నాయనే దానిపై నిఘా ఉంచాలి. ఇందుకోసం సమాచార హక్కు చట్టాన్ని ఉపయోగించుకోవాలి. ఏవైనా దుర్వినియోగాలు జరిగితే వెంటనే బహిర్గతం చేసేందుకు మీరు సిద్ధంగా ఉండాలి.

తగిన సమయంలో పరిష్కారం.

మనలో చాలా మందికి ప్రభుత్వం లేదా అంది అందించే సేవల గురించి మంచి అభిప్రాయమే లేదు. కానీ వారు తమ అభిప్రాయాలను ఫిర్యాదులుగా మార్చరు. ఒకవేళ ఫిర్యాదు చేసినా అందుకు సంబంధించి సమాధానం వచ్చేంత వరకు కూడా ఓపిక పట్టారు. అయితే ప్రస్తుతం మారిన చట్టాల ప్రకారం మీరు చేసిన ఫిర్యాదుకు తగినంత సమయంలోపు పరిష్కారం దక్కుతుంది. ఈ విషయం గురించి చాలా మందికి తెలియదు.

టెక్నాలజీ వాడుకోవాలి..

PC : Twitter

మీరు ఈరోజుల్లో అవినీతిని నిర్మూలించేందుకు టెక్నాలజీని బాగా వాడుకోవాలి. టెక్ నాలెడ్జ్ ఉన్నవారు వెబ్ లో లేదా మొబైల్ లో సోషల్ మీడియా ప్లాట్ ఫామ్ లను ఉపయోగించుకోవాలి. అవినీతి కేసులను డాక్యుమెంట్ చేయడానికి ఇది మీకు సహాయపడొచ్చు. ఈరోజుల్లో సోషల్ మీడియా ముఖ్యంగా అవినీతి పరిష్కరించడానికి ఒక ప్రభావవంతమైన మార్గం.

కామిక్స్ అండ్ కార్టూన్స్..

అవినీతి నిరోధకత గురించి ప్రజల్లో అవగాహన పెంచేందుకు కామిక్స్ ఒక శక్తివంతమైన మార్గం. సినిమాలు మరియు వచనాల కలయిక ద్వారా కామిక్స్ కూడా అవినీతికి వ్యతిరేకంగా చర్చకు సహాయపడతాయి. వీటిని ఉత్పత్తి చేయడం చాలా సులభం. ఇందుకు కావాల్సింది కేవలం పెన్ను కాగితం మాత్రమే. ఈరోజుల్లో స్మార్ట్ ఫోన్ ను సైతం చక్కగా ఉపయోగించుకోవచ్చు.

అవినీతి నిర్మూలనే లక్ష్యం..

యువజన సంఘాలు అవినీతిని నిరాకరించడాన్ని చాలా చురుకుగా ప్రజల్లోకి తీసుకెళ్లాలి. వీటి వల్ల ముందుగా స్థానికంగా, తర్వాత జాతీయ స్థాయిలో అందరికీ అవినీతి నిరోధంపై అవగాహన కలుగుతుంది. అయితే వేర్వేరు గ్రూపులకు వేర్వేరు లక్ష్యాలు ఉన్నప్పటికీ, వారి ఉమ్మడి లక్ష్యం అవినీతి నిర్మూలన అనే ఒక్కటే ఉండాలి.