పిల్లలు ఏది పెట్టినా తినాలంటే?

బేబీలకు కూడా రుచులు తెలుసని గ్రహించండి. వారి నాలికలపైగల టేస్ట్ బడ్స్ కూడా మనవాటి వలెనే వుంటాయి. అయితే, వారి పొట్టలోని జీర్ణ వ్యవస్ధ చాలా సున్నితంగా వుండటంతో మనం తినే మసాలా, నూనె, వంటి పదార్ధాలను వారికి అందించరాదు. నేరుగా ఉడికించిన గుడ్డు వారికి ఇష్టం లేకపోవచ్చు. దానికి తగిన పెప్పర్, సాల్ట్ వంటివి అతి తక్కువగా వేసి తినిపించండి.

ఉడికించిన పప్పు పిల్లలు బాగా ఇష్టపడతారు. మెత్తగా ఉడికించిన అన్నం, పప్పుల మిశ్రమానికి కొద్దిపాటి నెయ్యి లేదా వెన్న వంటివి కలిపి మెత్తగా చేసి అందులో నిమ్మరసం అతికొద్దిగా వేసి వారికి తినిపించండి. ఈ ఆహారం కొద్దిపాటి వేడి వుంటే బేబీలు మరింత తేలికగా తినేస్తారు. వారి జీర్ణవ్యవస్ధకు కూడా తేలికగా వుంటుంది. పిల్లలకు మరో ఆహారంగా దాల్ కిచిడి చేసి పెట్టవచ్చు. ఉడికించిన అన్నంలో వివిధ రకాల వెజిటబుల్స్ ఉడికించినవే వేసి మెత్తగా కలిపేయండి. దీనికి కొద్దిపాటి వెన్న కలిపితే మంచి రుచి వచ్చి బేబీలు తేలికగా తినేస్తారు. నేటి రోజులలో ఒక సంవత్సరం వయసుకల బేబీలు సైతం రుచులు కోరుతున్నారు. అయినప్పటికి, మీరు ఇంటిలోనే అన్ని పదార్ధాలు రుచికరంగా చేసి ఆరోగ్యకరంగా తినిపించవచ్చు.