బేబీకి పళ్ళు వస్తుంటే....!

By B N Sharma

Published: Saturday, December 10, 2011, 16:26 [IST]

పళ్ళు వచ్చే సమయంలో పసిపిల్లలు చాలా ఇబ్బంది పడతారు. తల్లిదండ్రులు పిల్లలకు పళ్ళు రావడానికి ముందు, వచ్చిన తర్వాత కొన్ని ప్రత్యేక జాగ్రత్తలు తీసుకుంటే వారికి కలిగే బాధనుండి విముక్తి కలిగించవచ్చు. బిడ్డను చల్లగాలిలో తిప్పవద్దు. దాంతో పళ్ళు వచ్చేటపుడు కలిగే బాధ అధికమవుతుంది.

బిడ్డకు పళ్ళన్నీ వచ్చిన తర్వాత నమిలే ఆహారాన్ని ఎక్కువగా ఇవ్వాలి. తాజా పళ్ళను, పచ్చి కూరగాయలను ఇవ్వాలి. దీంతో దవడ కండరాలు పటుత్వాన్ని పొందుతాయి. పళ్ళు కూడా శుభ్రమవుతాయి. పాల పళ్ళను కూడా శుభ్రం చేయడం చాలా అవసరం, కాబట్టి పిల్లలకు చిన్నతనం నుండే పళ్ళను బ్రష్ చేసుకునే అలవాటు నేర్పించాలి. దీని కోసం పిల్లలకు గుండ్రని, మెత్తని బ్రిస్టల్స్ వున్న టూత్ బ్రష్ ను ఇవ్వాలి. పళ్ళు తోముకోడం వారికి ఒక ఆటలా నేర్పించాలి. దీంతో పిల్లలు ఆసక్తిగా తమ పళ్ళను తోముకుంటారు.

పిల్లల ఆహారంలో స్వీట్లు, కేకులు, చాక్లెట్, బిస్కెట్, షుగర్ కలిపిన తియ్యటి డ్రింకులు లాంటివి ఇవ్వకుండా ఉంటే వారి పళ్ళు చెడిపోకుండా చూడవచ్చు. పిల్లల రోజువారీ ఆహారంలో ఖచ్చితంగా కాల్షియం, ఎక్కువ మోతాదులో ఉండాలి. అవి పర్మినెంట్ పళ్ళ ఆరోగ్యానికి ఎంతో అవసరం.