నమ్మకస్తులనే అనుకరించే బేబీలు!

ఒక్కమాటలో చెప్పాలంటే...గతంలో కనుక పిల్లలకు ఎవరివల్లనైనా మోసం జరిగితే పిల్లలు ఇక వారిని అనుసరించరట. పెద్ద పిల్లలవలెనే, పసి పిల్లలకు కూడా వ్యక్తుల ఖచ్చితమైన, ఖచ్చితంకాని నడవడికలు తెలుస్తాయని, వారు ఈ సమాచారంతో వారి తదుపరి నేర్చుకునే చర్యలు పాటిస్తారని సెంటర్ ఫర్ రీసెర్చ్ ఇన్ హ్యూమన్ డెవలప్ మెంట్ లోని సీనియర్ రీసెర్చర్ డయానే పౌలిన్ డుబాయిస్ తెలిపారు.

మనిషి నమ్మదగినవాడు కాదనుకుంటే పిల్లలు వారి వద్దనుండి ఏమీ నేర్చుకోడానికి ప్రయత్నించరట. 13 నుండి 16 నెలల వయసున్న 60 మంది పసిపిల్లలపై ఈ స్టడీ చేశారు. వీరిని నమ్మదగిన, నమ్మకూడని పెద్దలతో కలిపి పరీక్షించారు. కొన్ని డబ్బాలలో బొమ్మలు పెట్టించి కొంతమందిని, బొమ్మలు పెట్టించినట్లు నటించమని కొందరిని తెలిపి వారిని పిల్లలకు చూపారు. పిల్లలు బొమ్మ నిజంగా పెట్టిన పెద్దవారి పట్ల వేరుగాను, పెట్టకుండా నటించిన వారిపట్ల మరో రకంగాను ప్రవర్తించినట్లు పరిశోధకులు తెలియజేశారు. పిల్లలలో 61 శాతంమంది వారి తెలివితేటలుపయోగించి బొమ్మలు పెట్టిన పెద్దవారిని గుర్తించేయడం జరిగిందట. ఈ స్టడీని ఇన్ ఫేంట్ బిహేవియర్ అండ్ డెవలప్ మెంట్ అనే జర్నల్ లో ప్రచురించారు.