మ్యూజిక్ పెడితే చాలు మ్యాజిక్కే... !

By B N Sharma

Published: Friday, March 2, 2012, 17:29 [IST]

బిడ్డలతో ఆటలు అత్యవసరం. వారి మెదడు ఎదగాలంటే, పర్యావరణం గురించి వారు తెలుసుకోవాలంటే, సామాజిక నేర్పులు, శారీరక మార్పులు రావాలంటే పిల్లలతో ఆటలు ఆడాలి. మొదటి మూడు నెలల వయసులో.....సుతిమెత్తని చర్యలు, చూపులు, ధ్వనులు వంటివి చేస్తూ వారికి ప్రపంచంపై ఆసక్తి కనబరచాలి. బేబీలకు చక్కటి ధ్వనులు, మ్యూజిక్ వంటివి వినిపించండి.

ఈ వయసులో వారికి వినికిడి బాగా వుండి మీరు మాట్లాడితే వింటూ వుంటుంది. పెద్ద ధ్వని సైతం ఆసక్తిగానే వుంటుంది. కనుక మీ స్వరధ్వని పెంచండి. ధ్వనులు కలిగించే ఆటబొమ్మలు అందించండి. వారికి చూపులకు ఆకర్షించేలా విచిత్రమైన బొమ్మలను చూపండి. బేబీ సంతోషపడితే ఆ సంతోషాన్ని మీరిచ్చే బొమ్మలపై ప్రదర్శిస్తుంది. చేతులూ, కాళ్ళూ ఊపుతుంది. పది వారాలు వచ్చేసరికి తన బొమ్మలను బాగా గుర్తుపడుతుంది. వాటిపట్ల అవగాహన చేసుకుంటుంది.

మూడు నెలలు వచ్చే సరికి మీ బేబీ తన బొమ్మలను చేతితో ఊపేస్తుంది. ధ్వని వస్తే ఆనందిస్తుంది. కదిలే బొమ్మలను చూసి తల ఆడిస్తుంది. అన్నిటిని మించి మీరే ఆమెకు ఒక బొమ్మలా అనిపించి మీ తలపట్టి ఆడుకుంటుంది. కనపడిన వస్తువును నోటిలో పెట్టుకుని ఆనందిస్తుంది. ప్రతి వస్తువు తన చేతులతో పట్టుకొని అన్వేషించటానికి చూస్తుంది.

Comments

Story first published: Friday, March 2, 2012, 17:29 [IST]

Latest Updates

Baby Play 0-6 months! | ఆరు నెలల పాపాయి ఆటపాటలు?