ప్రతి పది నిమిషాలుకు మార్చండి?

Baby

oi-Nageswara

By B N Sharma

Published: Wednesday, April 4, 2012, 12:39 [IST]

తల్లులు బిడ్డకు పాలు పట్టేటపుడు పాలు ఒకే స్తనంలో పూర్తిగా ఖాళీ అయ్యేటంతవరకుపట్టేస్తారు. అటువంటపుడు బేబీకి ఒకే స్తనం అలవాటు అవుతుంది. పిల్లలకు రెండు స్తనాలు నుండి పాలు తాగటం అలవాటు చేయాలి. అందుకుగాను తల్లి ఒక్కొక్క స్తనం నుండి పది నిమిషాల చొప్పున బిడ్డకు పాలు అందించాలి. పది నిమిషాలు కాగానే బిడ్డ పొజిషన్ మార్చటం వలన కూడా బిడ్డకు రెండో స్తనంపై కొంత అవగాహన వుంటుంది. అంతేకాక, తల్లికి రెండు స్తనాలలోను పాలు సమంగా పడుతూంటాయి. ఇది మహిళకు కూడా ఆరోగ్యకరమైనదే.

ఆరు నెలలపాటు ఆపకుండా బిడ్డకు పాలు పడితే, మహిళకు ఏ రకమైన ఇన్ ఫెక్షన్లు రావని, వారు అధికబరువు పొందే అవకాశంలేదని, డయాబెటీస్ వంటి మొండివ్యాధులు కూడా వారికి రాకుండా తల్లిపాలు పట్టటం రక్షణ కలిగిస్తాయని, అంతే కాకుండా ఆమెకు రొమ్ము కేన్సర్ వచ్చే అవకాశం లేదని రీసెర్చి తెలుపుతోంది. అయితే, కొంతమంది తల్లులు తమ బేబీలు ఏడిస్తేనే పాలు పడతారు. అంటే బేబీకి ఆకలివేస్తే ఏడుస్తుందని అపుడే పట్టవచ్చులే అని నిర్లక్ష్యం చేస్తారు. మరి కొంతమంది కొన్ని సమయాలు పెట్టి ఆ సమయం ప్రకారం బేబీ కి పాలు పడతారు. బేబీకి పాలు పట్టే సమయంకూడా నిర్ధారిస్తారు. మరి కొంతమంది ప్రతి 3 గంటలకు పాలు పడతారు. సాధారణంగా ప్రతి పది నిమిషాలకు బేబీకి స్తనం మార్చాలి.

రీసెర్చర్ల మేరకు ప్రతి స్తనానికి పదినిమిషాలు కేటాయించాలి. బిడ్డకు 6 నుండి 8 వారాలు వచ్చేసరికి స్తనాలలోని పాలు బాగా పెరుగుతాయి. శిశువులు ఏడిస్తే పాలు ఇవ్వడం కంటే, వారి ఆకలి గ్రహించి 12 వారాల వరకు తల్లులే రెండు స్తనాలనుండి ఒక్కొక్క స్తనానికి పది నిమిషాల చొప్పున పాలు పడుతూండాలి. పసిబిడ్డలకు సమయం కేటాయించడమనేది సరికాదు. ఎందుకంటే ప్రతి బేబీకి పాలు వివిధ మొత్తాలలో అవసరమవుతుంది. తల్లికి, బిడ్డకు సుఖంగా వున్నకునేటంతవరకు తల్లి పాలు పడుతూనే వుండవచ్చని పరిశోధకులు చెపుతున్నారు.

ఇరవై నాల్గు గంటల సమయంలో బేబీలు తమ తల్లినుండి 12 సార్లుగా కూడా పాలుతాగుతారు. ఇది ఆరోగ్యకరమే. అయితే, బేబీ కనుక నిద్రిస్తున్నప్పటికి వారిని లేపి పాలు పట్టవచ్చు. తల్లిపాలు తాగే పిల్లలువివిధ బరువులు కలిగి వుంటారు. వారు సాధారణ బరువు కలిగి వున్నంతవరకు సమస్య అని భావించకుండా తల్లిపాలు వారికి పట్టటమే శ్రేయస్కరంగా పరిశోధకులు చెపుతారు.