బుజ్జి పాపాయిల్లో డైపర్ రాషెష్ నివారించే సింపుల్ టిప్స్

టిప్ 1

చాలా ఎక్కువ సేపు ఒకే డైపర్ ని బేబీకి వేయరాదని గుర్తుంచుకోండి. ఒకవేళ అది పూర్తీగా ఉపయోగించకపోయినా.. రెండు గంటలకు ఒకసారి ఖచ్చితంగా మార్చాలి.

టిప్ 2

రోజులో కొన్ని గంటల పాటు డైపర్ లేకుండా బేబీ ఉండేలా జాగ్రత్త తీసుకోండి. సున్నితమైన వాళ్ల చర్మానికి కాస్త గాలి అవసరం. రోజంతా డైపర్లతో ఉంచితే.. రాషెష్ రావడం ఖాయం.

టిప్ 3

బేబీకి ఉపయోగించే ప్రొడక్ట్స్ కెమికల్ ఫ్రీగా ఉండేలా జాగ్రత్త పడాలి. బేబీ వైప్స్, బేబీ పౌడర్ వంటి విషయంలో చాలా జాగ్రత్త పడాలి. అవి డైపర్ వేసే ప్రాంతంలో చర్మం సున్నితంగా ఉంటుంది కాబట్టి.. కెమికల్స్ లేకుండా ఉండేవే ఉపయోగించాలి.

టిప్ 4

డైపర్ తడిచిన వెంటనే దాన్ని మార్చాలి. లేదంటే ర్యాషెష్ వచ్చే అవకాశాలు ఎక్కువగా ఉంటాయి.

టిప్ 5

రెగ్యులర్ గా స్నానం చేయించడం చాలా అవసరం. 5 నెలలు నిండిన పిల్లలకు రెగ్యులర్ గా స్నానం చేయించడం వల్ల.. ర్యాషెష్ నివారించవచ్చు.

టిప్ 6

స్నానం చేయించిన వెంటనే సున్నితంగా చర్మాన్నంతటినీ శుభ్రం చేయాలి. తడి లేకుండా తుడవాలి. టవల్ తో ఎక్కువగా రుద్దడం వల్ల చర్మంపై దురద, ర్యాషెష్ కి కారణమవుతుంది.

టిప్ 7

మీ బేబీ డైపర్ ర్యాషెష్ రావడానికి అవకాశం ఉందని మీకు తెలిస్తే.. ఆయింట్ మెంట్స్, లోషన్స్ డాక్టర్స్ సలహా ప్రకారం ఉపయోగించాలి.

టిప్ 8

శుభ్రంగా ఉన్న కాటన్ క్లాత్ లను డైపర్లకు బదులుగా ఉపయోగించాలి. ఇవి బేబీ యూరిన్ ని పీల్చుకుంటాయి. డైపర్స్ కంటే కాటన్ క్లాత్స్ చాలా మంచిదని నిపుణులు సూచిస్తున్నారు.