అబార్షన్ తర్వాత త్వరగా కోలుకోవాలంటే?

Basics

oi-Nageswara

By B N Sharma

Published: Saturday, June 9, 2012, 15:19 [IST]

అబార్షన్ తర్వాత మహిళ తన ఆరోగ్యం త్వరగా సాధారణ స్ధితికి చేరటానికిగాను ఆహారం పట్ల అతి జాగ్రత్త వహించాలి. అబార్షన్ కొరకు చేసిన ఆపరేషన్ చిన్నదే అయినప్పటికి శరీరంలో అధిక దుష్ఫ్రభావాలు చూపే అవకాశం వుంది. అబార్షన్ చేయించుకోవటమనేది మహిళ జీవితంలో ఒక దురదృష్టకర సంఘటన. సాధారణంగా వైద్యులు మరీ అత్యవసరమైతే తప్ప అబార్షన్ సూచించరు. నెలలు అధికమైన కొన్ని అబార్షన్లు మహిళను కూడా ప్రమాదంలో పడేస్తాయి. నేటి రోజులలో అబార్షన్ చట్టబద్ధమైనప్పటికి పెద్ద ప్రాణానికి ఎపుడూ ముప్పుగానే భావిస్తూంటారు. రక్తస్రావం అధికమవుతుంది, శరీరంలో ఐరన్, విటమిన్ బి 12, బి9, బి2 లేదా రిబోఫ్లావిన్ స్ధాయిలు తగ్గుతాయి. ఆమె ఎంతో బలహీనపడుతుంది. తగిన విశ్రాంతి కూడా కావాలి. రక్తహీనత, ఎముకల అరుగుదల మొదలైనవి తగ్గటానికి తీసుకునే ఆహారంలో ఐరన్, బి బిటమిన్, కాల్షియం మొదలైనవి వుండటం అత్యవసరం. మహిళ తగిన పోషకాలు కలిగిన ఆహారం తీసుకుంటే, అబార్షన్ బలహీనతనుండి త్వరగా కోలుకోగలదు. అబార్షన్ అయిన తర్వాత మహిళ ఆహారం ఎలా వుండాలనేది పరిశీలిద్దాం!

1. ఆహారంలో ప్రొటీన్లు అధికంగా వుండాలి. విటమిన్లు, ఇతర ఖనిజ లవణాలు వుండాలి. దీనివలన రక్తహీనత లేకుండా సరైన పోషకాలు శరీరానికి అందుతాయి.

2. అబార్షన్ తర్వాత తేలికగా జీర్ణమయ్యే ఆహారం తీసుకోవాలి. చల్లనైన, లేక ఆయిల్ అధికంగా వున్న ఆహార పదార్ధాలు తినరాదు. ముల్లంగి, కాకర కాయ, ఆరెంజ్ మొదలైనవి తినవద్దు. తాజా పండ్లను తినాలి.

3. చేపలు, మెత్తటి కోడి మాంసం, గుడ్లు, జంతువుల లివర్, మాంసం, సోయాబీన్, పాలు, ఖర్జూరాలు, తాజా కూరగాయలు, పచ్చని ఆకు కూరలు మొదలైనవి ఆహారంలో వుండాలి.

4. అబార్షన్ తర్వాత చెమట అధికంగా పడుతుంది. కనుక ప్రతిరోజూ 8 నుండి 12 గ్లాసుల నీరు తప్పక తాగండి. ఇది మీ శరీరాన్ని డీహైడ్రేషన్ నుండి కాపాడటమే కాక, మలబద్ధకాన్నికూడా నివారిస్తుంది. జీర్ణ వ్యవస్ధ శుభ్రపడుతుంది.

5. తీసుకునే ఆహారంలో ప్రొటీన్లు అధికంగా వుంటే రక్తంలోని ఎర్రకణాలు అధికమవుతాయి. గుడ్లు, చేప, ఉడికించిన బీన్స్, అరటిపండు, అవకాడో, కేరట్, ఛీజ్, బఠానీ, ఆరెంజి, పచ్చని ఆకు కూరలు, బాదం పప్పు మొదలైనవి ప్రొటీన్ అధికంగా వుండే పదార్ధాలు తినాలి.

6. మాంసాహారులైతే, చేప, షెల్ ఫిస్, గునా, బీఫ్, పోర్క్, చికెన్, ల్యాంబ్, ఉడికించిన బీన్స్, బఠాణీలు ప్రొటీన్ అందిస్తాయి. వీరికి ఐరన్ మరియు బి బిటమిన్లు కూడా కావాలి.

7. తక్కువ కొవ్వు కల పాల ఉత్పత్తులు కాల్షియం అధికంగా ఇస్తాయి. పాల ఉత్పత్తులు ప్రొటీన్లను, విటమిన్లను కూడా ఇస్తాయి.

8. నూనెలు, మసాలాలు వుండే ఘాటైన పదార్ధాలు తినవద్దు. ఈ ఆహారాలు సున్నితంగా, బలహీనంగా వున్న జీర్ణ వ్యవస్ధను దిగజారుస్తాయి. మధ్యాహ్నం, రాత్రి భోజనాలలో చికెన్ లేదా గుడ్లు తింటే మంచిది.

అబార్షన్ అయిన తర్వాత కలిగే బలహీనతనుండి బయటపడాలంటే పై చిట్కాలు పాటిస్తే ఎంతో ప్రయోజనం కలుగుతుంది. మహిళ మరోమారు తన పూర్వపు శారీరక ఆరోగ్యాన్ని పొందే అవకాశం వుంటుంది.