పిల్లలు పుట్టాలంటే రతి ఎపుడు? ఎలా?

గర్భవతి త్వరగా అవ్వాలంటే, ఫలదీకరణ జరిగే ఈ ఆరు రోజులలో రతిక్రీడ ఆచరించాలి. ప్రతి రుతుక్రమంలోను 5 నుండి 6 రోజులు మాత్రమే అందుకు అనుకూలంగా వుంటాయి. ఈ సమయానికి ముందుగా లేదా ఈ సమయం అయిపోయిన తర్వాత కనుక రతిక్రీడ ఆచరించినప్పటికి గర్భం వచ్చే అవకాశం లేదు.

అండోత్సర్గం అంటే అండం విడుదల అయిన ఒకటి లేదా రెండు రోజులలోనే రతి చేయాలి. అండం విడుదల ఎల్లపుడూ ఒకే రకంగా వుండదు. మహిళలు తమ రుతుక్రమ సైకిల్ ను ఖచ్చితంగా ఆచరించలేరు. కనుక అండం విడుదల అయిన మూడవ రోజు రతి ఫలితాలనివ్వదు. మహిళల రుతుక్రమంలో అండం ఏ సమయంలో అయినా రిలీజ్ కావచ్చు.

అండం విడుదలను సూచించే కిట్ లు నేడు మార్కెట్ లో లభ్యంగా వున్నాయి. అవి పాజిటివ్ సూచించేటంతవరకు వుంటే, అప్పటికే మీలో అండం విడుదల జరిగిపోయి అవకాశాలు తక్కువగా వుంటాయి. మరి శరీర ఉష్ణోగ్రత అధికమయ్యే వరకు కూడా వేచి వుండకండి. అండం విడుదలైన మూడోరోజున కాని శరీర ఉష్ణోగ్రత అధికం అవదు.

ఈ ఫలదీకరణ సమయంలో ఎంత తరచుగా రతి చేయాలి? ఫలదీకరణ జరిగే రోజులలో గతంలో రోజు విడిచి రోజు చేయాలనేవారు. కాని స్టడీల మేరకు మీరు కనుక ప్రతిరోజూ రతిని ఆచరించినట్లయితే, అతని వీర్యకణాల సంఖ్య సరైన రీతిలో వుంటే, ఈ ఫలదీకరణ జరిగే 4 లేదా 5 రోజులు, మరియు అండం విడుదల అయ్యే రోజు రతి చేయాలి. అయితే ఆ సమయంలో పురుషుడికి కనుక వీర్యం సరిగా లేకుంటే, గతంలో చెప్పినట్లు, రోజు విడిచి రోజు చేస్తే కూడా మహిళ గర్భం ధరించే అవకాశానికి సరిపోతుంది. గర్భం రావాలని ప్రయత్నించే జంటలు రెగ్యులర్ గా వారానికి రెండు లేదా మూడు సార్లు రతిలో పాల్గొనాలి. ఎందుకంటే, మీలో అండం విడుదల ఎపుడు జరుగుతుందో తెలియదు కనుక.

ఫలదీకరణ జరిగే రోజులలో ప్రతిరోజూ చేస్తే 37 శాతం, రోజు విడిచి రోజు చేస్తే 33 శాతం, ఒకే సారికనుక చేస్తే 15 శాతంగా మహిళ గర్భం ధరించే అవకాశాలుంటాయని రీసెర్చి చెపుతోంది. మహిళ గర్భం ధరించాలంటే, పురుషుడిలో వీర్యం కూడా తగినంతగా వుండాలి. తగినన్ని వీర్య కణాలుండాలి. అపుడే గర్భం ధరించటం సాధ్యం అవుతుంది. కొన్ని మార్లు ప్రతిరోజూ రతి ఆచరించటం వలన తగినంత వీర్యం లేక గర్భం ధరించే అవకాశం వుండదు. కనుక ఫలదీకరణ రోజులలో పురుషుడు కూడా వీర్యాన్ని పొదుపుగా వాడుకోవాలి.