పిల్లల తల వెంట్రుకలు బాగా ఎదగాలంటే?

1. పిల్లల జుట్టు వారంలో 3 లేదా 4 సార్లు కడిగేలా చూడండి. జుట్టు పొట్టిగా వుంటే నీటితో రెగ్యులర్ గా కడిగేయవచ్చు. అవసరం అనుకుంటే రోజూ తల స్నానం చేయించండి.
2. పిల్లల తల జుట్టు వాష్ చేయటానికి నో టియర్స్ షాంపూ ఉపయోగించండి. వీటిలో రసాయనాలు వుండవు. వారి కళ్ళు మండకుండా వుంటాయి.
3. పిల్లల తల రుద్దేటపుడు మెల్లగా వేళ్ళతో రుద్దండి. గోళ్ళు ఉపయోగించవద్దు.
4. పిల్లకు పొడవు జుట్టు వుంటే హెయిర్ కండిషనర్ రాయండి. జుట్టు చిక్కు పడకుండా తేలికగా దువ్వవచ్చు.
5. తలంటు తర్వాత వెడల్పు పళ్ళ దువ్వెనతో వెంట్రుకలు దువ్వండి. చిక్కు పడకుండా వుంటాయి. పిల్లల దువ్వెన పెద్దలు వాడకండి. తల ఎక్కువ సార్లు రోజులో దువ్వితే జుట్టు పెరుగుతుందనేది సరికాదు. అధికంగా దువ్వితే, జుట్టు ఊడే ప్రమాదముంది.
6. జుట్టు రెగ్యులర్ గా కట్ చేస్తూ వుంటే ఎదుగుదల బాగుంటుంది. పిల్లలు ఆనందించే పార్లర్ లో అందంగా కట్ చేయించి వారికి రూపలావణ్యాలు కలిగించండి.
7. జుట్టు ఊడకుండా వుండాలంటే ఎపుడూ ముడి వేయండి.
8. పిల్లలు అందంగా వుండాలంటే, రంగు రంగుల క్లిప్పులు, రిబ్బన్లు ఇతర సాధనాలు అమర్చండి.
9. ఆడపిల్లలైతే వారి తల వెంట్రుకలపై మరింత శ్రధ్ధ పెట్టాలి. వెంట్రుకల కుదుళ్ళ ఆరోగ్యం అవసరం. అందుకుగాను ప్రతిరోజూ మంచి నూనెతో కుదుళ్ళలో మసాజ్ చేస్తూ వుండండి.

ఈ చర్యలు పాటిస్తే, మీ పిల్లల తల వెంట్రుకలు అందంగా, ఆరోగ్యంగా ఎదుగుతాయి. చిన్నతనంలో తల వెంట్రుకలపై తీసుకున్న జాగ్రత్తలు వారు పెద్దవారైనప్పటికి కొనసాగి వారి రూప లావణ్యాలు మెరుగుగా వుంటాయి.