బరువు ఎపుడూ నియంత్రించాల్సిందే!

By B N Sharma

Published: Monday, November 14, 2011, 17:13 [IST]

గర్భవతులు కడుపులోని బిడ్డ కొరకు కూడా ఆహారం తీసుకోవాలి. కాని అందుకని ఇరువురి కి సరిపడే దుస్తులకు శరీరం పెంచరాదు. బిడ్డ పుట్టే సమయంలో బరువు పెరగటం సహజమే. అయితే అదే సమయంలో శరీరం బిగువు సడలకుండా చూసుకోవాలి. బేబీ ఆరోగ్యంగా వుండాలి. ఆరోగ్యకరంగా బరువు పెరిగితే బిడ్డ పుట్టిన తర్వాత బరువు వేగంగా తగ్గే అవకాశం వుంది.

బరువు పెరుగుతున్నామన్న ఆందోళనతోకాకుండా ఆరోగ్యంగా వున్నామా లేదా అనేది గమనించాలి. పాలు ఇచ్చేటపుడు కేలరీలు తగ్గితే పాలు తక్కువవుతాయి. బిడ్డకు కనీసం ఒక సంవత్సరం వచ్చే వరకు తల్లిపాలు పట్టాలి. దీనితో తల్లికి అనవసరమైన కొవ్వు కూడా చేరకుండా వుంటుంది.

గర్భవతి రోజుకు 300 కేలరీల ఆహారం అంటే ఒక భోజనం మాత్రం అదనంగా తీసుకుంటే చాలని పోషకాహార నిపుణులు చెపుతారు. సోయాబీన్స్, చేపలు బిడ్డ ఎదుగుదలకు తోడ్పడతాయి. ఈ రకమైన ఆహారం తీసుకుంటూ, కొద్దిపాటి సులభ వ్యాయామాలు చేస్తే బిడ్డ పుట్టిన తర్వాత కూడా మహిళ అధిక బరువెక్కకుండా వుండే అవకాశం వుందని గైనకాలజిస్టుల అభిప్రాయం.