జననాంగ భాగంలో కుట్లుపడితే.... !

Post Natal

oi-Nageswara

By B N Sharma

Updated: Friday, July 27, 2012, 9:40 [IST]

మహిళకు బిడ్డకు జన్మనివ్వటంలో జననాంగ భాగానికి గాయమైతే లేదా అధికంగా నష్టం జరిగితే ఆమె వెంటనే రతిక్రీడకు ఇబ్బంది పడుతుంది. కొంతమందికి ఆ భాగంలో కుట్లుపడి సెక్స్ సంబంధాలు సరిగా చేయలేరు. రతి చాలా బాధాకరంగా వుంటుంది. యోని ద్వారా ఫోర్ సెప్స్ సహాయంతో డెలివరీ అయినప్పటికి ఆమెకు రతిలో చాలా నొప్పిగా వుంటుంది. సిజేరియన్ ఆపరేషన్ చేస్తే మొదటి 3 నెలలలో నే కొంతనొప్పితో ఆమె రతి ఆచరించగలదు. ఆరు నెలలు కాలంలో ఆమె ఎట్టినొప్పి లేకుండా రతినాచరించగలదు. సిజేరియన్ తర్వాత రతిలో పూర్తి తృప్తి ఆమెకు ఆరు నెలల తర్వాత మాత్రమే లభిస్తుంది.

చాలామంది డాక్టర్లు రతి చేయాలంటే బిడ్డ పుట్టిన తర్వాత నాలుగునుండి ఆరు నెలలకాలం ఆగాలని చెపుతారు. ఈ సమయంలో మహిళకు గర్భాశయం కొంత బలం పుంజుకుంటుంది రక్తస్రావం ఆగుతుంది. యోనికి గల గాయాలు తగ్గుతాయి. ఈ అంశంలో చేసిన ఒక స్టడీలో టర్కీ లో మహిళలు ఆరు వారాలలో 42 శాతం మంది, అమెరికా, బ్రిటన్ లలో ఆరు వారాలలో 57 శాతంమంది మూడు నెలల కాలంలో 82 నుండి 85 శాతం మంది రతిక్రీడ చేసినట్లు వెల్లడైంది.

డెలివరీ తర్వాత మహిళలో హార్మోన్ల మార్పులు కూడా అనేక రకాలుగా జరిగి బాధిస్తాయి.
బిడ్డ పుట్టిన తర్వాత మహిళల హార్మోన్లలో కొన్ని మార్పులు వస్తాయి. ఈ కారణంగా సుమారు మూడు నెలల తర్వాత కూడా యోని పొడిబారే అవకాశం వుంటుంది. తల్లిపాలు ఇచ్చే మహిళలు సహజంగా రతియందు ఆసక్తి లేక వుంటారు. రతిలో నొప్పి కలిగి బాధాకరంగా భావిస్తారు. దీనికి కారణం వీరిలో ఈస్ట్రోజన్ స్ధాయి తగ్గుతుంది. కొంతమంది మహిళలకు డెలివరీలో కనుక అధిక సమస్యలేర్పడితే, వారిలో రతియందు ఆసక్తి అధిక కాలం కోల్పోతారు.

మహిళ గర్భాశయం సరైన ఆరోగ్యం సంతరించుకోకుండానే, బిడ్డ పుట్టిన వెంటనే కొద్దిరోజులకే రతిక్రీడ చేస్తే రక్తనాళాలలో గాలి అడ్డుపడే ప్రమాదం వుంది. ప్రధానంగా రతిక్రీడలో మహిళ మోకాళ్ళు ఆమె ఛాతీకి ప్రెస్ చేయటం వంటివి చేస్తే ఈ సమస్య వస్తుంది. అయితే ఇది చాలా అరుదుగా వచ్చే సమస్య. ప్రెగ్నెన్సీ తర్వాత సాధారణంగా రతికి అడ్డుపడే సమస్యలు గర్భాశయంలోని ఇన్ ఫెక్షన్ మరియు యోని వద్ద కలిగే కొన్ని కోతలు, చినుగులు వంటివి అని చెప్పాలి.

మహిళకు ప్రసవం అయిన సంవత్సరంలో తక్కువ రతి ఆసక్తి వుంటుంది. కొంతమంది మహిళలు 8 నెలలకే రతికి సిద్ధం అవుతారని కూడా చెపుతారు. బిడ్డ పుట్టిన తర్వాత మహిళల శరీరపటుత్వం తగ్గి ఆకర్షణ కోల్పోతుంది. వారిలో వచ్చే శారీరక మార్పులు వారికి అసౌకర్యంగా వుంటాయి. ఎపుడూ నిద్ర అధికంగా పోవాలని ప్రయత్నిస్తారు. తన భాగస్వామితో రతికి అంగీకరించరు. కనీసం అంటే ఆరు నెలల కాలం వరకు వీరు రతికి అంగీకరించరు.