మనోభావాలను పసికట్టే గర్భస్ధ శిశువు!

శిశువులు గర్భంలో వుండగానే తల్లి మానసిక స్ధితికి ప్రభావితమవుతారు. తల్లికనుక గర్భవతి దశలో డిప్రెషన్ కు గురై ఛాలెంజింగ్ పరిస్ధితులు ఎదుర్కొంటే గర్భం లోని శిశువు తన తర్వాతి జీవితంలో ఛాలెంజింగ్ గా వుండి ఎటువంటి పరిస్ధితులనైనా ఎదుర్కొంటుందని, తల్లి కనుక ఈ రకమైన పరిస్ధితిని ఎదుర్కొనకపోతే బిడ్డలు తమ భవిష్యత్ లో వచ్చే సమస్యలకు తీవ్రంగా స్పందించలేకపోతున్నారని కాలిఫోర్నియా యూనివర్శిటీ కి చెందిన సైకియాట్రీ అండ్ హ్యూమన్ బిహేవియర్ ప్రొఫెసర్ స్టడీ రీసెర్చర్ కర్ట్ శాండ్ మన్ వెల్లడించారు.

ఈ అధ్యయనాన్ని వీరు 221 మంది తీవ్ర మనోవేదనలకు గురవుతున్న మహిళలపై ప్రెగ్నన్సీ ముందు, ప్రెగ్నెన్సీ తర్వాత బిడ్డలపై నిర్వహించారు. బిడ్డలకు ఆరు నెలల వయసు వచ్చే సరికి వారిలో పై మార్పులు కనుగొన్నట్లు తెలిపారు. పరిశోధనా ఫలితాలు సైకలాజికల్ సైన్స్ అనే జర్నల్ లో ప్రచురించారు.