మహిళహై హీల్స్ వేస్తే....!

By B N Sharma

Published: Thursday, December 8, 2011, 10:29 [IST]

మహిళలు గర్భవతులుగా వున్నపుడు, ఆహారం, శరీరం, వారి నడక తీరు, దుస్తులు అన్ని మారిపోతాయి. అన్ని విషయాలలోను జాగ్రత్తలు వహిస్తారు. ఆమెకు, పుట్టబోయే ఆమె బాబుకు అందరూ జాగ్రత్తలు చెపుతారు. ప్రెగ్నెన్సీలో మహిళ తన పాదాలకు హై హీల్స్ వేస్తే బ్యాలన్స్ తప్పి పడే ప్రమాదముంది. అంతే కాక శరీరం బరువెక్కడంతో కాళ్ళలో కొద్దిగా నొప్పికూడా ఏర్పడుతుంది. అటువంటపుడు మహిళ తన శరీరానికి అనువైన పాదరక్షలు ధరించాలి. పాదరక్షల ఎంపికకు కొన్ని చిట్కాలు చూడండి.

1. వీలైనంతవరకు వేసే చెప్పులు పలుచనివిగా తేలికగా నడిచేవిగా వుండాలి.
2. బేబీ కదలికలు మొదలవ్వగానే ఈ రకమైన పలుచని చెప్పులు వేయాలి.
3. హై హీల్స్ వేయటం వలన బేబీకి సమస్య వుండదు గానీ ఆమె బరువు కారణంగా కండరాలు బెణికే ప్రమాదం వుంది.
4. హై హీల్స్ వేస్తే పిరుదులకు హాని కలుగుతుంది. కండరాలు వెనక్కు సాగి వెన్ను నొప్పి వచ్చే అవకాశం వుంది.
5. పలుచని చదునైన పాదరక్షలు సౌకర్యంగా వుండి బాడీ బేలన్స్ బాగా కంట్రోల్ అవుతుంది.

ప్రెగ్నెంట్ మహిళ రబ్బర్ స్లిప్పర్స్ వాడరాదు. నీటి తడికి అవి జారి ప్రమాదం కలిగించే అవకాశం వుంది.