గర్భవతి మహిళలో మలబద్ధకం సమస్యలు!

గర్భవతి సమయంలో ఏర్పడే అజీర్ణం సమస్యలకు కారణాలు

జీర్ణక్రియ ఆలస్యమవుతుంది - శరీరంలో ప్రొజెస్టిరోన్ హార్మోన్ అధికంగా విడుదల అవుతుంది కనుక అది జీర్ణక్రియను నెమ్మదిస్తుంది. ఫలితంగా మలబద్ధకం ఏర్పడుతుంది. పెరుగుతున్న బిడ్డ మరోవైపు పేగులపై ఒత్తిడి కలిగిస్తుంది. ఈ కారణంగా గర్భంపై ఒత్తిడి పెరిగి పేగుల కదలికలను నిదానించి, జీర్ణక్రియ మందగించి, మలబద్ధకం కలిగిస్తుంది.

నీటికొరకు డిమాండ్ అధికం - కడుపులో బేబీ పెరిగే కొలది, ఆమెకు నీటి అవసరాలు పెరుగుతాయి. బేబీ నీటి అవసరం కొరకు తల్లి శరీరంలోని ద్రవాలు బిడ్డకు వెళ్ళిపోతాయి. దానితో తల్లిలో ద్రవాలు కొరత ఏర్పడి మలం గట్టిగా అవుతుంది. దానిని తొలగించాలంటే ఆలస్యమవుతుంది.
సరికాని ఆహారం - గర్భవతి మొదటి త్రైమాసికంలో, సంతులిత ఆహారాన్ని తీసుకోదు. నోటి రుచి మారిన కారణంగా సరిగా తినలేకపోతుంది. మార్నింగ్ సిక్ నెస్ ఏర్పడుతుంది. ఇది కూడా మలబద్ధకాన్ని ఏర్పరుస్తుంది.

చురుకుకాని జీవన విధానం - గర్భవతి అయ్యామనే సరికి స్త్రీలు, సోమరిగా కూర్చోవటం మొదలుపెడతారు. పని అధికంగా చేయరు. ఎల్లపుడూ కూర్చుని లేదా పడుకుని వుంటారు. ఈ రకమైన శారీరక కదలిక లేకపోవటం కూడా మలబద్ధకాన్ని కలిగిస్తుంది. అంతేకాదు ఈ రకమైన జీవన శైలిలో ఆమెకు సాధారణ యోని కాన్పు అయ్యే అవకాశాలు కూడా వుండవు.

ఒత్తిడి - ఒత్తిడి, ఆందోళన కూడా మలబద్ధకాన్ని ఏర్పరుస్తాయి. కనుక ఒత్తిడి, ఆందోళన పరిస్ధితులనుండి దూరంగా వుండాలి.

ఐరన్ మాత్రలు - ఈ సమయంలో డాక్టర్లు ఐరన్ మాత్రలు వేయమంటారు. ఇవి కూడా మలబద్ధకం కలిగిస్తాయి. గతంలో మలబద్ధకంతో బాధపడే మహిళలకు గర్భవతి సమయంలో అది మరింత అధికమవుతుంది.

మలబద్ధకాన్ని ఎలా నివారించాలి?
నీరు తాగండి - నీటిని అధికంగా తాగండి. రోజుకు కనీసం మూడు నుండి నాలుగు లీటర్ల నీరు తాగటం సూచించదగినది. దీనితో మీ మరియు మీ బేబీ నీటి అవసరాలు తీరుతాయి. నీరు మాత్రమే కాక, పండ్లు, కూరల రసాలు, మజ్జిగ, సూప్ లు, కొ్బ్బరి బొండాం నీరు, నిమ్మనీరు, వంటి రసాలు తాగాలి.

ఆహారంలో పీచు - శరీరంలో పీచు ప్రధాన పాత్ర వహిస్తుంది. అది మీ మలానికి అధికంగా ఉంటుంది. తేలికగా బయటకు తెప్పిస్తుంది. పీచు సహజంగా వుండే, పండ్లు, కూరలు, గింజలు తినండి.

వ్యాయామం - ప్రతిరోజూ క్రమం తప్పకుండా వ్యాయామం చేస్తూ వుంటే, అది జీర్ణక్రియకు ఎంతో తోడ్పడుతుంది. మలబద్ధకాన్ని పోగొడుతుంది. కనుక వైద్యుల సలహాపై వ్యాయామాలు చేయండి. వ్యాయామం ఈ సమయంలో మీ ఆరోగ్యాన్ని పెంచి, సహజంగా కాన్పు అయ్యేలా చేస్తుంది. స్విమ్మింగ్, నడక వంటివి వైద్యులు వద్దు అంటే తప్ప, కొనసాగించండి.

ఒత్తిడి తగ్గించుకోండి - ఒత్తిడి, ఆందోళనలకు సాధ్యమైనంత దూరంగా వుండాలి. ధ్యానం వంటి రిలాక్సేషన్ పద్ధతులు పాటించండి. ఇవి మీకే కాక, బేబీ ఎదుగుదలకు కూడా తోడ్పడతాయి.

ఈ చిట్కాలు మీ ఆహారంలోను, జీవన విధానంలోను ఆచరిస్తే, మలబద్ధకం పూర్తిగా తొలగి ఆరోగ్యం మీ సొంతమవుతుంది.