గర్భవతులకు తినాలనే కోరిక ఎందుకు?

By B N Sharma

Published: Saturday, February 18, 2012, 11:05 [IST]

గర్భవతులకు వివిధ రకాల ఆహారాలు తినాలనే కోరిక అధికంగా వుంటుంది. ఈ సమయంలో ఆహారం వారికి శారీరకంగాను, భావోద్రేక కోర్కెల కారణంగాను అవసరమవుతుంది. తినాలనిపించినపుడు ఆ ఆహారాలను తిని ఆనందించాల్సిందేనని కూడా వైద్యులు చెపుతారు. గర్భవతి కానపుడు తినని ఆహారాలను కూడా గర్భం ధరించిన తర్వాత చాలా ఇష్టంగా తింటారు.

ఈ రకమైన వాంఛ శరీరానికి సహజమని, తాత్కాలికంగా అవసరమయ్యే పోషకాలకు ఇది సరైనదని చెపుతారు. సాధారణంగా వీరి కోరికలు ఆరోగ్యకరమైనవిగానే కాక కొన్ని సార్లు అవాంఛనీయమైన పదార్ధాలు చాక్ పీస్, గోడ సున్నం, టూత్ పేస్ట్, రబ్బర్ వంటివిగాకూడా వుంటాయి. కొన్ని కోర్కెలు గాఢంగా వుంటే, మరికొన్ని అప్పటికపుడు కలిగి మాయమవుతూంటాయి.

హార్మోన్ల అసమతుల్యతతో ఆహారం పరంగా చిన్నపాటి విషయాలకు కూడా కోపం తెచ్చుకుంటారు. గర్భవతికి ఈ సమయంలో వచ్చే గుండె మంట, తలనొప్పి, ఉదయ వికారం, వాంతులు వంటి వాటికి విరుగుడుగా కూడా వీరిలో ఆహార పర కోర్కెలు కలుగుతాయి. పుల్లని పదార్ధాలు, పచ్చళ్ళు మొదలైనవి వాంఛిస్తారు. నిమ్మ వాసన, రుచి మొదలైనవి వారికిగల వాంతుల కారణంగా కోరడం జరుగుతుంది.