గర్భవతులకు పార్టీలలో ఆరోగ్యకర పానీయాలు!

By B N Sharma

Published: Thursday, April 26, 2012, 10:11 [IST]

Healthy Party Drinks For Pregnant Women!

గర్భవతి మహిళకు ఆల్కహాల్ డ్రింకులు పూర్తిగా నిషేధమే. కాని ఆమెకు పార్టీలు నిషేధం కాదు. మరి పార్టీలో పాల్గొన్న ఆమె ఏ రకమైన పానీయాలు తాగాలి, ఏ రకమైన స్నాక్స్ తినాలి? అనే సమస్య వస్తుంది. అటువంటపుడు ఆమె ప్రత్యామ్నాయంగా తీసుకోవలసిన కొన్ని పానీయాలను పరిశీలించండి. మంచి రుచికల ఈ ప్రత్యేక పానీయాలు ఆమెకు పార్టీ ఆనందం ఇవ్వటమే కాక, మంచి శారీరక ఆరోగ్యం కూడా కలిగించి ఆనందింపజేస్తాయి.

గర్భవతి మహిళకు పార్టీ పానీయాలు
మాక్ టెయిల్స్ - పార్టీ సమయంలో వైన్ గ్లాసులలో మిక్సెడ్ ఫ్రూట్ జ్యూస్ ఆనందాన్నిస్తుంది. వీటిలో ఆల్కహాల్ వుండదు. ఆర్టిఫిషియల్ రంగులు, వాసనలు కూడా వుండవు. సాధారణంగా ఆరెంజి, స్ట్రాబెర్రీ, పైన్ ఆపిల్, లెమన్ వంటివి కలిపి తాగవచ్చు. ఇవి ఆల్కహాల్ కు సురక్షిత ప్రత్యామ్నాయాలు.

లస్సి - పెరుగుతో తయారు చేసే పంజాబి లస్సీలు ఆరోగ్యానికి మంచివి. వీటిలో బెర్రీలు, పైన్ ఆపిల్, కొన్ని సుగంధ ద్రవ్యాలు వేస్తే తాగటం ఎంతో ఆనందాన్నిస్తుంది. శరీరాన్ని చల్లబరుస్తాయి. వీటిలో వేసే పండ్లు, ఐస్ ముక్కలు గుటక వేస్తే చాలు మరీ మరీ తాగాలనిపిస్తాయి.

ఫ్రూట్ పంచ్ - పనస, బొప్పాయి తప్ప ఇతర పండ్ల రసాలు మంచి మినరల్ వాటర్ చేర్చి తాగవచ్చు. ఒక్క గ్లాసు తాగితే ఎన్నో పోషకాలు లభిస్తాయి. వెజిటబుల్ రసాలను కూడా తాగవచ్చు.

చల్లటి మజ్జిగ - పండ్లరసాల వంటివి అధికం అనిపిస్తే సహజమైన చల్లటి మజ్జిగ రాత్రి వేళ పార్టీలలో మంచి జీర్ణక్రియను కూడా ఇస్తుంది. దీనిలో కొద్దిపాటి కొత్తిమీర, పుదీనా, అల్లంముక్కలు చేరిస్తే రుచి, వాసనలు బాగా వుంటాయి. రుచికిగాను షుగర్ లేదా సాల్ట్ వేయండి. పొట్టకు చల్లదనం, జీర్ణ సంబంధిత సమస్యలుండవు,

హాట్ చాక్లెట్ - గర్భిణీ స్త్రీ కనుక చాక్లెట్ ఇష్టపడే వారైతే, హాట్ చాక్లెట్ కాఫీ ఇచ్చేయండి. ఆమెకు హుషారు కలిగించటమే కాదు మైండ్ కు విశ్రాంతినిచ్చి, శక్తినిస్తుంది.